Taagapati 5:2 - Tosi Tapu

² O tupu ke ke maua le fakakaukau, Ti ke taupau e ou laugutu le iloa.

Taagapati 5:2 Iomraidhean Croise

Pesalemo 119:13

I oku laugutu e kau lau A fakamaau fuli o lou gutu.

Pesalemo 45:2

E mapunapuna ni masau fakalaukau i loku loto. E kau pati : E tuku laku gaoi ki le sau ! Ke fai loku alelo pe le peni a se tagata maau !

Pesalemo 71:15

E fakasa loa e loku gutu lou faitotonu, mo lou fakamauli i aso fuli, Talie e leaise kau iloa ola gatoaga.

Taagapati 10:21

E fagai e laugutu o le tagata agatonu se toka api, Kae ko tagata valelea e mamate o tupu ko lolatou sala atamai.

Taagapati 15:2

Ka masau le poto, e fakatupu e ia le fia iloa, Kae e fakatupu e le gutu o le kau vale le valea.

Taagapati 15:7

E liligi le poto e laugutu o le kau poto ; Kae e gaati le ulu o le kau vale.

Taagapati 16:23

Ko leia e poto i lona loto e fakasa ia lona poto i lona gutu, Ti e sa le lasi o lona poto i ona laugutu.

Taagapati 20:15

E lasi le aulo, ti e tutuna fuai kasoa ; Kae ko laugutu poto ko se nea tasitasiga.

Taagapati 3:21

Ei loku vosa, ke aua na mamao a akonaki ana i ou mata, Taupau le poto mo le fakakaukau :

Katiko o Katiko 4:11

Ei laku feauaki, e sali i ou laugutu le meli, Ti e maua i lalo o lou alelo le meli mo le sua u ; Ti ko le manogi o ou kofu e faipe le manogi o le Lipane.