Taagapati 4:18 - Tosi Tapu

¹⁸ Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Taagapati 4:18 Iomraidhean Croise

Lua tosi a Samuele 23:4

E tatau a ia mo le malama o le usu, mo ka sopo ake le laa, Ti e leaise aoaoa le lagi i le pogipogi usu ; E fakasosomo ake e lona malama le vao mei le kele, i le oki o le ua.

Sopo 11:17

E toe lasi ake loa le gigila o ou aso i le laa o le lalatea, Ti e fai loa ou fakapouli pe le malama o le usu.

Sopo 17:9

Kae e tuu makeke aifai le tagata agatonu i lona ala, ti e asilisili lotomakeke leia e mea ona lima.

Sopo 23:10

Kae e iloa malie e ia le ala leia na kau ano ai ; Kua asiasii e ia au, kae kau mavae loa mei ai kua kau mea ofaipe le aulo.

Pesalemo 84:7

Ka lotou ano i le toafa o Paka, E lotou fakaliliu a ia ko se ganea e apele i matapuna vai, Ti e fakaapele foki a ia e le ua ki ni tapuakina.

Pesalemo 97:11

E mu le malama ki le tagata agatonu, Ti mo le fiafia kia latou ala e loto sako.

Taagapati 13:9

E fiafia le malama o le kau agatonu, Kae e mate le malama o le kau agaveli.

Taagapati 15:24

Ki le tagata poto, ko le ala o le mauli e taki ia ki aluga, O tupu ke mamao a ia i le nofoaga o le kau mate leia e tuu i lalo.

Taagapati 2:20

E ke saele loa i le ala o tagata agamalie, E ke taupau loa a ala o le kau agatonu.

Taagapati 2:9

Ti e ke matala loa ki le faitotonu, mo le agatonu, Mo le loto sako, mo ala fuli ala e taki ia ki le malie.

Esaia 26:7

Ko le ala o le tagata agatonu ko le maokioki ; Ko koe, e ke agatonu, e ke fakatokatoka le ala o le tagata agatonu.

Taniela 12:3

Ko latou ala na popoto e gigila loa ofaipe le malama o le lagi, ti ko latou ala na ako ia le faitotonu ki le kakai e gigila loa ofaipe fetuu o le lagi, o lee gato.

Oseo 6:3

Tou iloa, tou afa ke iloa le Eteleno ; Ko lana au e maoki ofaipe le au o le mafoata. E au loa a ia kia tatou ofaipe le ua, Ofaipe le ua o le temi mafana leia e fakavai ia le kele.

Mateo 5:14

Ko le malama koutou o le malama nei. Ko se kolo leia e tuu i aluga o se mauga e leaise feala ke munia ;

Mateo 5:16

Ke mu lokoutou malama i mua o tagata, o tupu ke lotou tio ki akoutou gaoi malilie, ti ke lotou fakakololia ki lokoutou Tamana leia e nofo i le atu lagi.

Mateo 5:45

o tupu ke kotou liliu ko vosa o lokoutou Tamana i selo ; talie e fakasopo e ia lana laa o fakatatau ki le kau agaveli ti mo le kau agamalie, ti e fakato e ia lana ua o fakatatau ki le kau agatonu ti mo le kau agasala.

Soane 8:12

Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Filipe 2:15

o tupu ke kotou lee mele mo mea, ofaipe ni fanau a le Atua lee valoki i loto malie o se tautupu fakalialia mo agaveli, leia e kotou mu ai ofaipe ni malama i le malama nei,

Lua tosi a Petelo 1:19

Ti e motou fakamaoki ki le folafola kikite, leia e tonu ke kotou tokaga lasi ki ai, ofaipe se malama leia e mu i se ganea fakapouli, o kaku ki le mafoa mai o le ao, ti ke sopo le fetuu ao i okoutou loto.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.

Tuifakamaau 5:31

Ke mamate fenaaki ou fili fuli, ei Eteleno ! Kae ko latou ala e alofa kiate ia, Ke lotou faipe le laa, I lana sopo ake i lona gigila katoa. Na malolo loa le fenua i fetuu e kau fa.