Taagapati 31:10 - Tosi Tapu

¹⁰ Ko ai e feala ke maua ia se fafine malie ! E lasi ake lona mauiga i fuai kasoa.

Taagapati 31:10 Iomraidhean Croise

Sopo 28:18

Ko le feo mo le kilisitale ko nea noa latou i ona tafa : E mauiga ake le poto i fuai kasoa.

Taagapati 12:4

Ko se fafine agamalie ko le pala a ia o lona avaga, kae ko leia e fakalumaluma e tatau a ia mo le popo o ona ivi.

Taagapati 14:1

E fakatuu e le fafine poto lona fale, Kae e soloi e le fafine valea lona fale ki ona lima totonu.

Taagapati 18:22

Ko le tagata leia e maua ia sona avaga e maua ia le manuia ; Ko se kalasia a ia e fai e le Eteleno kiate ia.

Taagapati 19:14

E feala ke maua tofiga se fale mo ni koloa mei lona tamana, Kae ko se fafine atamai ko se nea alofa a ia mei le Eteleno.

Taagapati 20:15

E lasi le aulo, ti e tutuna fuai kasoa ; Kae ko laugutu poto ko se nea tasitasiga.

Taagapati 3:15

E mauiga ake le poto i fuai kasoa E mauiga lasi ake a ia i nea fuli e totogi veli.

Taagapati 31:11

E fanaki maoki le loto o lona avaga kiate ia, Ti e leaise maumaui e ia sana nea.

Taagapati 8:11

Talie e malie ake le poto i fuai kasoa, E mauiga ake a ia i nea totogi veli fuli.

Ekelesiasi 7:28

Ti ko leinei le nea leia koi lolotoga afa e loku laumalie, ti na leaise kau maua. Na kau maua se tagata e toka tasi i le tino afe ; kae na leaise kau maua se fafine e toka tasi ia latou fuli.

Lute 3:11

I le lakaga nei, ei loku taine, aua na ke i ; e kau fai loa kiate koe a nea fuli ala e ke pati loa ki ai, talie kua iloa e le kolo katoa ko se fafine mafi a koe.

Uluaki tosi a Samuele 25:3

Ko le igoa o le tagata lena ko Napale, ti ko lona avaga ko Apikaile ; na fakapotopoto mo fulumalie le fafine, kae na fefeka mo agaveli le tagata. Na ifo mai a ia meia Kalepo.