Taagapati 30:3 - Tosi Tapu

³ Na leaise kau ako ia le poto, Ti e leaise kau maua le iloa a le kau sagato.

Taagapati 30:3 Iomraidhean Croise

Taagapati 30:4

Ko ai na pale ki le atu lagi, ti ko ai na ifo mei ai ? Ko ai na tanaki ia le matagi i lona lima ? Ko ai na fakamaopoopo ia a atu vai i lona kofu ? Ko ai na fakatuu ia a potupotu o le malama nei ? Ko ai lona igoa, ti ko ai le igoa o lona vosa ? Pe ke iloa a ia ?

Taagapati 9:10

Ko le kamataaga o le poto, ko le i ki le Eteleno ; Ti ko le iloa a le kau sagato, ko le atamai.

Esaia 30:11

Kotou maliu kese i le ala, Kotou tiaki le ala totonu, Kotou fakamamao i omatou mua le Sagato o Iselaele !

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 6:10

Ke ke fakaliliu le loto o le kakai leinei ke logo noa ; Ke ke fakatulituli ona taliga, ti mo tapono ona mata, Talie ke aua na tio loa ona mata, mo logo loa ona taliga, Mo matala loa lona loto, Mo tafoki loa, ti ke kau fakamauli loa a ia.

Esaia 6:3

Na lotou kalaga o fetaliaki : Maokioki, maokioki, maokioki le Eteleno o kau tau ! E apele le kele katoa i lona kololia !

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Loma 11:33

Oiau ! le loloto o koloa, mo le poto, ti mo le iloa o le Atua ! Ko ai e mafai ke fakamatala ia ana fakamaau, ti ko ai e mafai ke iloa ia ona ala ! Ofaipe le fakasa e le Tosi

Apokalipisi 3:7

Tosi ki le aselo o le Ekelesia o Filatelefia : Ko leinei le nea leia e pati ki ai le Maokioki, le Maoki, leia e nofo mo le kalavi o Tavite, leia e fakamavaa, ti e leaise tapono e se tasi, leia e tapono, ti e leaise fakamavaa e se tasi :

Apokalipisi 4:8

Ko manu mauuli ana e fa na tasi mo ia ni kapakau e ono, ti na lotou apele i mata, i tafa mo loto. Na leaise lotou malolo i le ao mo le po i le pati : Maokioki, maokioki, maokioki le Aliki Atua, le Mafimafi, leia na agai, leia e agai nei, leia e au !