Taagapati 30:13 - Tosi Tapu

¹³ E i ai se tau tagata leia e apele ona mata i le vesia, Ti e tio fakaveli ki tagata fuli.

Taagapati 30:13 Iomraidhean Croise

Pesalemo 101:5

Ko leia e lauveli fakafufu ki lona oloi, E kau tapono ia loa lona gutu. Ko leia e maua ia ni mata matasoka mo se loto fia nealasi, e leaise kau kataki loa kiate ia.

Pesalemo 131:1

Katiko o le fanoga tapu. A Tavite. Eteleno ! e leaise kau maua se loto leia e fia nealasi, Pe ko ni mata ala e fia aliki ; E leaise kau tokaga ki ni nea lalasi mo taualuga ake iate au.

Taagapati 21:4

Ko ni mata fia taualuga mo se loto fia nealasi, Ko nea ana e fakasa ia le agasala a le kau agaveli.

Taagapati 6:17

Ko mata ala e fia nealasi, mo le alelo leia e loi, Mo lima ala e liligi ia le toto saosaoa,

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 3:16

E folafola le Eteleno : O tupu e fia nealasi a taineliki o Sione, Ti e lotou saele o fakatuu sako olotou ulu, Talie e lotou mata mamalu, Ti e lotou ano soposopo ke fakatatagi ai a matemate o olatou vae,

Esaia 5:15

E tuku loa ki le kele le kau liliki, ti e fakataulalo loa le kau lalasi, Ti e saele tulolo loa le kau fia nealasi fuli.

Esekiele 28:9

Pe ke pati loa i mua o le tagata leia e tamate ia loa a koe : E kau Atua ? E ke tagata loa kae e leaise ke Atua, I le lima o leia e tamate ia loa a koe.

Apakuki 2:4

Ko leinei, na makita lona laumalie, e leaise sako a ia iate ia ; Kae e mauli loa le tagata agatonu i lana tui.