Taagapati 30:12 - Tosi Tapu

¹² E i ai se tautagata leia e pati e mea, kae e leikiaise fufulu e ia lona kelekele.

Taagapati 30:12 Iomraidhean Croise

Sopo 33:9

E kau mea, e leaise kau agasala, e kau saosaoa, e leaise maua iate au se agaveli.

Pesalemo 36:2

E logo le masau veli a le tagata agaveli i loku loto. E leaise nofo le i ki le Atua i ona mua.

Pesalemo 51:2

I le au o le polofeta ko Natane kia Tavite, i le oki o lana ano kia Pate-Sepa.

Pesalemo 51:7

Ko leinei, na kau tupu i le agaveli, Ti na fanaui au e loku tinana i le agasala.

Taagapati 16:2

E mea ala fuli o le tagata ki ona mata, Kae e fakamaau e le Eteleno a manatu o le loto.

Taagapati 21:2

E sako a ala fuli o le tagata ki ona mata ; Kae ko leia e fuafua ia le mamafa o loto ko le Eteleno.

Esaia 1:16

Kotou maanu, kotou fakamea, Kotou too i mua o oku mata akoutou gaoi veveli ; Kotou tuku le fai o le nea e veli.

Esaia 65:5

Leia e pati : Ano kese, Aua na ke fakafeofi mai kiate au, Talie e kau maokioki !… Ko nea ana ko se afu i oku pogoiisu, Ko se afi leia e leaise toe mate.

Selemia 2:35

Kae logo ai le nea lena, e ke pati : Io, e kau mea ! Kua maliu maoki lona sausau iate au ! Ko leinei, ka kau fakamaau loa mo koe, Talie e ke pati : Na leaise kau agasala fua.

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Oseo 12:9

Ti e pati Efalaimi : Kua kau soko maoki o mou koloa, Kua kau maua se koloa lasi ; Ti ko le fua katoa a ia o laku gaoi. E leaise maua loa iate au se agaveli, pe ko se nea fua e sala.

Sakalia 13:1

I le aso lena, e fakamavaa loa se matapuna vai Ki le fale o Tavite ti mo le kakai o Selusalemi, Ki le agasala ti mo le kelekele.

Luka 16:15

Na pati loa a ia kia latou : Ko koutou, e kotou fia agatonu i mua o le tagata, kae e iloa e le Atua okoutou loto ; talie ko le nea leia e mauiga lasi ki tagata e fakalialia i mua o le Atua.

Luka 18:11

Na tuu le faliseo i aluga, ti na faikole a ia i lona loto, o pati : Ei Atua, e kau fakafetai kiate koe talie e leaise kau faipe tagata fuli : e lotou kaia, mo agaveli, ti mo tono ; ti e leaise kau fai foki pe le popelikano leinei :

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Lua tosi kia Timoteo 3:5

e lotou maua a agaaga o le aga fakaatua, kae e lotou fakafiti ki le nea leia e fakatupu ia lona makeke. Ke ke fakamamao mei tagata ana.

Tito 3:5

kua saofaki e ia tatou, o leaise tupu ko gaoi o le faitotonu ala na tou fai, kae o mulimuli ki lona manavaalofa, ki le maanu o le tupu foou mo le fakafoou a le Laumalie Maokioki.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Tuifakamaau 17:13

Ti na pati loa Mika : I le aso nei, e kau iloa e tapuaki loa le Eteleno kiate au, talie kua kau nofo mo se tagata Levi ke fai ia ni sakilifisio kiate au.

Tuifakamaau 17:5

Na maua loa e Mika se fale o le Atua ; na fai loa e ia se efote mo ni telafimi, ti na fakatapui loa e ia le tasi o ona vosa ke nofo o faisakilifisio.