Taagapati 30:10 - Tosi Tapu

¹⁰ Aua na ke lauveli ki se tagata fakasausau i tafa o lona pule, Ke aua na fakamalaia e ia a koe, ti ke agasala ai.

Taagapati 30:10 Iomraidhean Croise

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Taagapati 11:26

Ko leia e taofi ia le fulumeto e fakamalaia e le kakai, Kae e ifo le tapuakina ki le ulu o leia e fakatau ia a ia.

Taagapati 28:27

Ko leia e solisoli ki le mativa e leaise puli se nea iate ia ; Kae ko leia e tapono ia ona mata ki le mativa e mafaia i malaia.

Ekelesiasi 7:21

Aua na ke tokaga ki masau fuli ala e lau, talie ke aua na ke logo e lauvelii a koe e lau tagata fakasausau ;

Taniela 6:13

Na lotou toe masau loa, o pati ki le sau : Ko Taniela, se tasi o le kau popula o Suta, na leaise fakaapaapa fua a ia kiate koe, ei sau, ti mo le tapu leia na ke fakamaoki ki ai, talie e faikole tua tolu a ia i le aso.

Taniela 6:24

Na fakatotonu loa e le sau ke aumai ki ona mua a tagata ala na fakalakasala ia Taniela, ti ke ti latou ki le popoko o laione, latou mo alatou fanau ti mo alatou avaga ; ti na leikiaise lotou kaku ki le takele o le popoko, kae kua tapo latou e laione, o gugu olatou ivi fuli.

Loma 14:4

Ko ai a koe, ke ke fakamaaui ia le tagata fakasausau a se tasi kese ? Kapau e tuu a ia i aluga, pe siga a ia ki lalo, a le pule fai le nea lena. Kae e tuu loa a ia i aluga, talie e maua e le Aliki le makeke ke fakatuu ake ai a ia.

Tetelonome 15:9

Ke ke tokaga ai na ke maua loa i lou loto ni manatu fakalialia, o ke pati loa : kua ofi le fitu o fetuu, le fetuu o le soloi o maua ! Ke ke tokaga na ke maua loa se tio fakaveli ki lou taina leia e mativa, o leaise ke soli loa kiate ia se nea. E kalaga loa a ia ki le Eteleno o uiga mo koe, ti e ke amo loa i ai se agasala.

Tetelonome 23:15

Ke aua na ke tuku ia loa ki lona pule se tagata fakasausau leia e sola loa mei lona pule o mumuni iate koe.

Uluaki tosi a Samuele 24:9

I le oki o le nea lena, na tuu ake loa Tavite, o ulu ki tafa o le ana. Ti na kamata kalaga loa a ia kia Saulo : Ei sau, loku aliki ! Ti na tagaki loa Saulo ki ona muli, ti na tulolo loa Tavite o kaku ona mata ki le kele.

Uluaki tosi a Samuele 26:19

Ke fakamalie le sau, loku aliki, o fakalogo mai ki le masau a lana tagata fakasausau : Kapau ko le Eteleno leia kua lagai ia a koe ke tau kiate au, ke tali malie e ia le kaloni o se moliga ; kae kapau ko ni tagata, ke lotou malaia i mua o le Eteleno, talie e lotou kapu au i le aso nei, ke aua na kau kau ki le tofiga o le Eteleno, ti e lotou pati mai kiate au : Ano, o tausi ki ni atua kese !

Uluaki tosi a Samuele 30:15

Na pati loa Tavite kiate ia : Pe mafai ke ke taki au ki le fa solia lena ? Ti na tali loa a ia : Fakapapau mai kiate au i le suafa o le Atua e leaise ke tamate loa au ti e leaise ke ave loa au ki loku pule, ti e kau taki loa a koe ki le solia lena.