Taagapati 3:6 - Tosi Tapu

⁶ Ke ke fanaki kiate ia i ou ala fuli, Ti e fakatokatoka loa e ia ou ala.

Taagapati 3:6 Iomraidhean Croise

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Esetalasi 7:27

Ke fakafetai ki le Eteleno, le Atua o otatou tamana, leia na teuteui ia le loto o le sau ke fakakololia feneeki ai le fale o le Eteleno i Selusalemi,

Neemia 1:11

Ei Aliki, ke tokaga mai lou taliga ki le kole a lau tagata fakasausau, ti mo le kole a au tagata fakasausau ala e loto ke i ki lou suafa ! Tapuaki i le aso nei lau tagata fakasausau, o ke tuku ke maua e ia se manava alofa i mua o le tagata leinei ! I le temi aia na kau pule ki le vino a le sau.

Neemia 2:4

Ti na pati mai loa le sau kiate au : Kolea e ke kole ? Na kau faikole i le temi lena ki le Atua o le atu lagi,

Neemia 7:5

Ti na tuku loa e loku Atua ki loku loto ke kau tanaki fakatasi le kau lalasi, mo le kau pule, ti mo le toega o le kakai, o tupu ke lau lolatou api. Na kau maua loa se kaupepa leia na tosi ai latou ala na uluaki pale mai, ti na kau tio loa na tosi i ai a nea anei :

Pesalemo 32:8

E kau ako loa kiate koe ti e kau fakasa loa kiate koe le ala leia e tonu ke ke muli ai. E kau tokoi loa kiate koe, ti e kau tuku tuumau loa oku mata kiate koe.

Taagapati 11:5

E fakatokatoka e le faitotonu le ala o le tagata agatonu ; Kae e vilo le tagata agaveli i lana agasala.

Taagapati 16:3

Tuku ki le Eteleno au gaoi fuli, Ti e manuia loa au fakatuutuu.

Taagapati 16:9

E fakakaukau le loto o le tagata ki lona ala, Kae ko le Eteleno leia e taki ia ona lakaaga.

Taagapati 23:17

Ke aua na fuaa lou loto ki le kau agasala, Kae ke maua tuumau e ia le i ki le Eteleno ;

Esaia 26:7

Ko le ala o le tagata agatonu ko le maokioki ; Ko koe, e ke agatonu, e ke fakatokatoka le ala o le tagata agatonu.

Esaia 30:21

E logo loa ou taliga i ou muli ki le leo leia e pati loa : Ko leinei le ala, kotou saele i ai ! Talie e kotou ano loa ki le fetuu atamai, pe kotou ano loa ki le fetuu sema.

Esaia 45:13

Ko au leia na lagai ia Silusi ke fakasoko ia laku faitotonu, Ti e kau fakafaigaofie ia loa ona ala fuli. E toe laga loa e ia loku kolo, ti e fakalauatea loa e ia laku kau popula, Sala totogi, sala se nea alofa, E pati le Eteleno o kau tau.

Esaia 48:17

Ti ko leinei le folafola a le Eteleno, leia na totogi ia a koe, le Sagato o Iselaele : Ko au, le Eteleno, lou Atua, e kau ako a koe ke ke manuia, E kau taki a koe i le ala leia e tonu ke ke mulimuli ai.

Selemia 10:23

E kau iloa, ei Eteleno ! E leaise pule le tagata ki lona ala ; E leaise ko le tagata leia e taki ia ona lakaaga Mo ka saele.

Selemia 42:3

Ti ke fakasa mai e le Eteleno, lou Atua, le ala leia e tonu ke motou muli ai, mo le nea leia e tonu ke motou fai !

Numelo 9:20

Kapau na nofo le ao i ni ga aso teiki i aluga o le falela tapu, na lotou fakatuu loa olatou falela o mulimuli ki le fakatotonu a le Eteleno, ti na lotou fanoga o mulimuli ki fakatotonu a le Eteleno.

Uluaki tosi ki le kau Kolinto 10:31

Koia ka kotou kai ai, pe kotou inu, pe kotou fai se nea fua, kotou fai a nea fuli ke fakakololia ai le Atua.

Lua tosi ki le kau Kolinto 8:16

Kae ke fakafetai ki le Atua, i lana tuku ki le loto o Tito le fia tokaga kia koutou ofaipe maua ;

Filipe 4:6

Aua na kotou tokaga mamae ki se nea e tasi, kae kotou fakasa ki le Atua a nea ala e aoga kia koutou i ni kole, mo ni kolekole, ti mo ni fakafetai,

Kolose 3:17

I nea fuli ala e kotou fai, i masau mo gaoi, ke kotou fai fuli latou i le suafa o le Aliki Sesu, o fakafetai iate ia ki le Atua le Tamana.

Kolose 3:23

Ko nea fuli ala e kotou fai, ke kotou fai latou i le loto malie, ofaipe ki le Aliki, kae leai ki ni tagata,

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.

Uluaki tosi a Samuele 30:8

Ti na afa loa e Tavite le finegalo o le Atua, o pati : Pe kau tuli loa le solia leinei ? Pe kau maua loa a ia ? Na tali loa le Eteleno kiate ia : Tuli, talie e ke maua loa, ti e ke saofaki loa lou kakai.