Taagapati 3:34 - Tosi Tapu

³⁴ E gologolo a ia kia latou ala e gologolo kiate ia, Kae e soli e ia le kalasia kia latou ala e agamalu.

Taagapati 3:34 Iomraidhean Croise

Pesalemo 138:6

E taualuga le Eteleno : e tio a ia ki le kau agamalu, Ti e iloa e ia mei mamao le kau fia taualuga.

Pesalemo 18:26

Ki leia e agamalie e ke fakasa lou agamalie. Ki le tagata agatonu e ke fai o mulimuli ki lona agatonu.

Taagapati 1:26

Ko au foki, e kau kata loa mo ka kotou nofo loa i le malaia ; E kau gologolo loa mo ka too loa koutou e le i,

Taagapati 14:9

E fakamanogii e le kau vale le agasala, Kae e nofo le agamalie i loto malie o le kau agatonu.

Taagapati 16:19

E malie ake le fakataulalo mo latou e agamalu, I le vaevae o se koloa lasi mo le kau fia nealasi.

Taagapati 19:29

E teuteu ni tautea ki le kau fia nealasi, Ti e teuteu le laakau ki le tua o le kau vale.

Taagapati 21:24

Ko le tagata fia nealasi, mo le tagata fia taualuga, e gologolo ki nea fuli, Ti e sa lona fia nealasi i ana gaoi fuli.

Taagapati 9:12

Kapau e ke poto, e ke maua loa le fua o lou poto ; Ti kapau e ke gologolo, ti e ke amo loa lona veli e koe toka tasi.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.