Taagapati 3:33 - Tosi Tapu

³³ E maua i le fale o le tagata agasala le fakamalaia a le Eteleno, Kae tapuaki a ia ki le fale o tagata agatonu ;

Taagapati 3:33 Iomraidhean Croise

Lua tosi a Samuele 6:11

Na nofo loa le aleka o le Eteleno i masina e tolu i le fale o Opeto-Etome mei Kate, ti na tapuaki loa le Eteleno kia Opeto-Etome mo lona fale katoa.

Sopo 24:18

Kolea ! E tafea vave le tagata agaveli i le vai ; E liliu lona nofoaga ko se kele malaia, Ti e leaise toe ano a ia ki faisaga vite i se aso !

Sopo 31:12

E tatau loa laku sala mo se afi, leia e kai ia loa au o kaku ki le maumau, Ti e tutu ia loa aku nea fuli.

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Pesalemo 37:22

Talie ko latou ala e tapuaki e le Eteleno e maua ia le fenua ; Ti ko latou ala e fakamalaia e ia e motusi loa.

Pesalemo 91:10

E leaise soko loa se veli kiate koe, E leaise fakafeofi loa se malaia ki lou falela.

Taagapati 10:6

E maua ni tapuakina i aluga o le ulu o le tagata agatonu, Kae e apele a gutu o le kau agaveli i le fakamakeke.

Taagapati 14:11

E maumau loa le fale o le tagata agaveli, Kae e se loa le fale o tagata agatonu.

Taagapati 15:6

E i ai se koloa lasi i le fale o le tagata agatonu, Kae e i ai se mamae i le koloa o le tagata agaveli.

Taagapati 21:12

E fakakaukau le tagata agatonu ki nea fuli i le fale o le tagata agaveli ; E ti e le Eteleno le tagata agaveli ki le malaia.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Tetelonome 11:28

le malaia, mo kapau e leaise kotou fakalogo loa ki folafola a le Eteleno, lokoutou Atua, ti mo kapau e kotou tiaki loa le ala e kau fakatotonu atu i le aso nei, kae kotou pipiki loa ki ni iki ake atua kese e leaise kotou iloa.

Tetelonome 7:26

Ke aua na ke fakaulu loa ki lou fale se nea fakalialia, o tupu ke aua na ke liliu loa o fakalialia pe ia ; kae ke ke tio loa ki le nea lena ofaipe se nea fakalialia mo fuluveli, talie ko se nea fakamalaia ai a ia.

Sosue 6:18

Ke kotou tokaga ai na kotou too ia loa se nea leia e tonu ke maumaui, talie e kotou aumai ia loa le malaia mo le maumau ki le nofolaga o fanau a Iselaele.

Sosue 7:13

Ke ke tuu ki aluga, ti ke ke fakamea le kakai. Ke ke pati loa : Ke kotou fakamea ki le aso apogipogi, talie ko leinei le folafola a le Eteleno, le Atua o Iselaele : E tuku ni nea kua fakatapui i loto malie o ou, Iselaele ! E leaise feala loa ke ke tuu i mua o ou fili mo kapau e leaise ke too a nea ana meiate koe.