Taagapati 3:28 - Tosi Tapu

²⁸ Aua na ke pati ki lou oloi : Ano ti ke toe au, I apogipogi e kau soli loa ! kae e ke maua se nea ke soli.

Taagapati 3:28 Iomraidhean Croise

Taagapati 27:1

Aua na ke viki a koe o uiga mo le aso apogipogi, Talie e leaise ke iloa le nea leia e mafai ke fanaui e lena aso.

Ekelesiasi 11:6

Muluki lau fakaili mei le usu, ti aua na tuku ke malolo lou lima i le afiafi ; talie e leaise ke iloa le nea leia e mauli malie loa, leinei pe ko leia, pe ko laua toka lua.

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Katiko o Katiko 5:3

Kua kau tatala loku kofu ; pe fefeaki ke kau toe tui loa a ia ? Kua kau fufulu oku vae ; pe fefeaki ke kau toe fakakelekele loa latou ?

Levitiko 19:13

Aua na ke pulei fakaveli loa lou oloi, ti aua na ke too fakamakeke loa se nea iate ia. Aua na ke taofi loa o kaku ki le apogipogi le totogi o le tagata gaoi.

Lua tosi ki le kau Kolinto 8:11

Koia kotou fakaoki i le temi nei le gaoi lena, o tupu ke tatau le oli i le fakaoki mo leia na kotou maua i le kamataaga.

Lua tosi ki le kau Kolinto 9:3

E kau kakau atu a fetaina, o tupu ke aua na ano noa le fakavikiviki leia na ma fai kia koutou i le nea lena, kae ke kotou nonofo teuteu, ofaipe le nea leia na kau fakasa atu kia latou.

Uluaki tosi kia Timoteo 6:18

Fakatotonu kia latou ke lotou fai le malie, ke lotou mou koloa i gaoi malilie, ke lotou loto solisoli, ti ke lotou loto tokoi,