Taagapati 3:1 - Tosi Tapu

¹ Ei loku vosa, aua na galo aku akonaki iate koe, Ti ke taupau e lou loto aku pelesepeto ;

Taagapati 3:1 Iomraidhean Croise

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 119:153

Tio ki loku mamae, ti ke saofaki au ! Talie e leaise galo fua lau lao iate au.

Pesalemo 119:16

E kau maua oku fiafia i au lekula, E leaise kau galoi fua lau folafola.

Pesalemo 119:176

E kau sese ofaipe se ovi na puli : afa lau tagata fakasausau, Talie e leaise galo fua au folafola iate au.

Pesalemo 119:34

Soli mai kiate au le atamai, o tupu ke kau tausi lau lao, Ti ke kau fai a ia i loku loto katoa !

Pesalemo 119:61

E takatakai au e masele a le kau agaveli ; E leaise kau galoi fua lau lao.

Pesalemo 119:93

E leaise toe galo loa iate au i se aso au fakatotonu, Talie ko latou ala e ke toe soli mai ai loku mauli.

Pesalemo 91:16

E kau fakamakona loa a ia i se mauli fualoa, Ti e kau fakatio loa a ia ki loku fakamauli.

Ekesote 20:6

ti e manava alofa o kaku ki le afe o tautupu kia latou ala e alofa kiate au mo fakalogo ki aku folafola.

Taagapati 1:8

Ei loku vosa, fakalogo mai ki akonaki a lou tamana, Ti aua na ke tiaki le tokoi a lou tinana ;

Taagapati 16:31

Ko le ulu sina ko se pala o le mauiga ; E maua a ia i le ala o le maokioki.

Taagapati 2:1

Ei loku vosa, kapau e ke taofi aku masau, Ti kapau e ke taupau aku pelesepeto iate koe,

Taagapati 23:26

Ei loku vosa, soli mai lou loto, Ti ke fiafia ou mata i oku ala.

Taagapati 31:5

Talie na lotou konana, ti lotou galoi loa le lao, Ti leaise lotou tokaga loa ki le kau mativa.

Taagapati 4:2

Talie e kau soli kia koutou ni tokoi malilie : Aua na kotou tiaki laku akonaki.

Taagapati 4:21

Ke aua na lotou mamao i ou mata ; Taupau latou i le takele o lou loto ;

Taagapati 4:5

Faiga ki le poto, maua le atamai ; Aua na galo iate koe a masau o loku gutu, ti aua na ke maliu ia latou.

Taagapati 8:1

Ko le poto, pe leaise kalaga a ia ? Ko le atamai, pe leaise siki e ia lona leo ?

Taagapati 9:1

Na fakatuu e le poto lona fale, Na ta e ia ona fa pou e fitu.

Esaia 51:17

Ke ke alaala, ke ke alaala ! Ke ke tuu ki aluga, Selusalemi, Leia na inu ia le ipu o lona sausau mei le lima o le Eteleno, Leia na inu ia, na mimiti ia le ipu o le galivale o kaku ki le takele !

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Tetelonome 4:23

Ke kotou tokaga ai kia koutou totonu, ke aua na kotou galoi loa le fakapapau leia kua sai e le Eteleno, lokoutou Atua, mo koutou, ti ke aua na kotou fai loa se fakatata o se nea fua e tasi, leia kua tapui atu kiate koe e le Eteleno, lou Atua.

Tetelonome 4:9

Koleia fua ke ke tokaga kiate koe totonu, o tausi fakamalotoloto lou loto, i aso fuli o lou mauli, ke aua na galo loa iate koe a nea fuli ala na tio ki ai ou mata, ti ke aua na ke fakamamao loa a nea ana i lou loto, kae ke ke fakamatala loa latou ki ou vosa mo vosa o ou vosa.

Tetelonome 5:16

Ke ke fakaapaapa ki lou tamana mo lou tinana, o fai ki le fakatotonu atu kiate koe e le Eteleno, lou Atua, o tupu ke tologa ou aso, ti mo ke manuia i le fenua leia e soli atu kiate koe e le Eteleno, lou Atua.

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.

Tetelonome 8:1

Ke kotou tausi loa ti mo kotou fai loa a folafola fuli ala e kau tuku kia koutou i le aso nei, o tupu ke kotou mauli, ti ke kotou liuliuga, ti ke kotou ulu o maua tofiga le fenua leia na fakapapau e le Eteleno ke soli ki okoutou tamana.