Taagapati 29:8 - Tosi Tapu

⁸ E pupusi e le kau gologolo le afi i le kolo, Kae e fakafimalie e le kau poto le ita.

Taagapati 29:8 Iomraidhean Croise

Taagapati 11:11

E mauiga le kolo i le tapuakina a le kau agatonu, Kae e maumau a ia i le gutu o le kau agaveli.

Taagapati 15:1

E fakafimalie le ita e se tali malu, Kae e fakaasilisili a ia e se masau fefeka.

Taagapati 16:14

Ko le ita o le sau ko se tagata avelogo o le mate, Ti e tonu ke fakafimalie lona loto e se tagata poto.

Taagapati 29:9

Kapau e visi se tagata poto mo se tagata valea, E pakia loa a ia i le ita mo le kata, e leaise soko loa le tokamalie.

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Esekiele 22:30

E kau afa ia latou se tagata leia e fakatuu ia se kaua, leia e tuu i le pu o le kaua i oku mua o tupu ko le fenua, o tupu ke aua na kau maumaui a ia ; kae e leaise kau maua se tasi.

Numelo 16:48

Na ano loa a ia o tuu i le vasa o latou ala kua mamate ti mo latou ala koi mauuli, ti na taofi ai loa le malaia.

Numelo 25:11

Ko Finesi, vosa o Eleasale, vosa o le tagata faisakilifisio lasi ko Alone, na fakamaliu ia loku sausau mei fanau a Iselaele, talie na fakasa e ia le finenonofo o lona Atua i loto malie o fanau a Iselaele ; koia na leaise kau tamate ai latou, i loku finenonofo.