Taagapati 29:3 - Tosi Tapu

³ Ko le tagata leia e manako ki le poto e fakafiafia ia lona tamana, Kae ko leia e fakatasi mo ni fafine faiaga e maumau ia ona koloa.

Taagapati 29:3 Iomraidhean Croise

Taagapati 10:1

Taagapati a Salomone. E fai e le vosa poto le fiafia o lona tamana, Ti e fai e le vosa valea le mamae o lona tinana.

Taagapati 15:20

Ko se vosa poto e fakafiafia ia lona tamana, Kae ko le vosa valea e vesia ki lona tinana.

Taagapati 21:17

Ko leia e manako ki le fakafiafia e nofo i le mativa ; Ko leia e manako ki le vino mo le kaloni e leaise mou koloa.

Taagapati 21:20

E maua ni koloa mauiga mo se kaloni i le nofoaga o le tagata poto ; Kae e folo e le tagata valea a nea ana.

Taagapati 23:15

Ei loku vosa, kapau e poto lou loto, Ko loku loto o oku e fiafia loa.

Taagapati 27:11

Ei loku vosa, ke ke poto, ti ke ke fakafiafia loku loto, Ti e feala loa ke kau tali ki leia e lauveli mai kiate au.

Taagapati 28:19

Ko leia e gaoi ia lana faisaga e makona i le pane, Kae ko leia e tuli ia ni nea noa e makona i le mativa.

Taagapati 28:7

Ko leia e tausi ki le lao ko se vosa atamai, Kae ko leia e ano mo latou ala e aga fakalialia e fakalumaluma ki lona tamana.

Taagapati 6:26

Talie ki se fafine faiaga e fakafiti ki se ga pane, Ti e teuteu e le fafine avaga se masele ki le mauli katoa.

Luka 15:13

Na sili ni ga aso teiki, na tanaki loa e le mulimuli ona koloa fuli, ti na mavae loa a ia o ano ki se fenua mamao, o maumaui ona koloa i se mauli maveuveu.

Luka 15:30

Kae i le kaku mai o lou vosa, leia na kai ia ou koloa mo fafine faiaga, kua ke fakatotonu ke tamate kiate ia le uviki pipi peti !