Taagapati 29:10 - Tosi Tapu

¹⁰ E vesia tagata tukipo ki le tagata maokioki, Kae e puipui e tagata agatonu lona mauli.

Taagapati 29:10 Iomraidhean Croise

Uluaki tosi o Sau 21:20

Na pati loa Akapo kia Elia : Kua ke toe maua au, ei loku fili ? Ti na tali loa Elia : Kua kau maua a koe, talie kua ke fakatau a koe ke fai le nea leia e veli ki le Eteleno.

Uluaki tosi o Sau 22:8

Na tali loa le sau o Iselaele kia Sosafate : Koi i ai se tagata leia e feala ke tou afa ki ai le finegalo o le Eteleno ; kae e kau vesia kiate ia, talie e leaise kikite e ia se nea leia e malie kiate au, e kikite ata e ia le nea e veli : Ko Mikea, vosa o Simila. Ti na tali loa Sosafate : Ke aua se masau felaaki le sau !

Lua tosi o Koloniko 18:7

Na tali loa le sau o Iselaele kia Sosafate : Koi toe se tagata leia ke tou afa ki ai le folafola a le Eteleno ; kae e kau vesia kiate ia, talie e leaise fakasa e ia se nea malie, e fakasa fai e ia a nea veveli : ko Mikea, vosa o Simela. Ti na tali loa Sosafate : Ke aua se masau felaaki le sau !

Pesalemo 59:2

Loku Atua ! saofaki au i oku fili, Malui au ia latou ala kua malaga mai kiate au !

Taagapati 13:19

E suamalie ki le laumalie le oli leia e soko ; Kae ko le nea fakalialia ki le vale lana tafoki mei le veli.

Taagapati 29:27

E fakalialia le kau agatonu ki le tagata agaveli, Ti e fakalialia le kau agaveli ki leia e sako lona ala.

Taagapati 29:9

Kapau e visi se tagata poto mo se tagata valea, E pakia loa a ia i le ita mo le kata, e leaise soko loa le tokamalie.

Selemia 18:20

Pe totogi loa le malie ki le veli ? Talie kua lotou kenu se popoko ke too loku mauli. Ke ke manatui e koe, na kau tuu i ou mua, O tupu ke ulufaki latou, Ti ke afei lou sausau ia latou.

Selemia 38:13

Ti na lotou toso ake loa Selemia ki maea, ti na lotou paleaki ake aia i le sosoni ki tafa. Ti na nofo loa Selemia i le malae o le fale pilisoni.

Selemia 38:7

Na logo loa Epeti-Meleke, tagata Etiopia, enuke leia na nofo i le fale o le sau, kua tuku Selemia ki le sosoni. Na tonatona loa le sau i le matapa o Pesamino.

Luka 23:34

Na pati loa Sesu : Tamana, fakamolemole kia latou, talie e leaise lotou iloa le nea leia e lotou fai. Ti na lotou vae loa ona kofu ia latou, o toso.

Soane 5:34

Kae kiate au e leaise ko se tagata leia na kau tali mei ai le fakamaoki ; kae e kau fakasa le nea leinei, o tupu ke kotou maua le mauli.

Gaoi 7:60

Ti na tuutuli loa a ia, o kalaga leo lasi : Aliki, aua na ke tuku kia latou le agasala leinei ! Ti i le oki o masau ana, na moe loa a ia.

Loma 10:1

Fetaina, ko le fakaamu o loku loto ti ko laku kole ki le Atua o uiga mo latou, ke lotou saofaki.

Uluaki tosi a Samuele 15:11

Kua kau fakasemala i laku fakanofo Saulo ke sau, talie kua maliu kese a ia iate au ti e leaise tausi e ia aku folafola. Na mamae ai a Samuele, ti na tagi loa a ia ki le Eteleno i le po katoa.