Taagapati 29:1 - Tosi Tapu

¹ Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Taagapati 29:1 Iomraidhean Croise

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 18:18

Na tali loa Elia : E leaise kau fakamaveuveu ia Iselaele ; ko koe mo le fale o lou tamana ala e fakamaveuveu ia Iselaele, talie kua kotou tiaki a fakatotonu a le Eteleno ti kua ke ano o tausi kia Paale.

Uluaki tosi o Sau 20:42

Na pati loa le polofeta ki le sau : Ko leinei le folafola a le Eteleno : Talie kua ke tuku ke sola mei ou lima le tagata leia na kau fakatotonu ke tamate, e ke mate loa o fetogi a ia ti e mamate loa lou kakai o fetogi lona kakai.

Uluaki tosi o Sau 22:28

Ti na tali loa Mikea : Kapau e ke toe liliu mai i le tokamalie, ti na leaise masau le Eteleno iate au. Na toe pati loa a ia : Ke kotou logo fuli, koutou ko kakai !

Lua tosi o Koloniko 25:16

I le lolotoga masau a le polofeta, na pati loa Amatesia kiate ia : Pe na motou fakanofo a koe ko le tagata tokoi o le sau ? Ano kese ! Kolea e ke loto ai ke tamate a koe ? Ti na ano loa le polofeta, o pati : E kau iloa kua fakatotonu e le Atua ke maumaui a koe, o tupu na ke fai a nea ana ti na leaise ke fia fakalogo ki laku tokoi.

Lua tosi o Koloniko 33:10

Na folafola loa le Eteleno kia Manase mo lona kakai, kae na leaise lotou tokaga loa.

Lua tosi o Koloniko 36:13

Na agatuu foki a ia ki le sau ko Nepukatenesale, leia na fakamaua ia a ia ke fakapapau i le suafa o le Atua ; ti na fakafefeka loa e ia lona ua mo lona loto, o leaise toe liliu a ia ki le Eteleno, le Atua o Iselaele.

Neemia 9:29

Na ke kolekole loa ke lotou toe liliu mai ki lau lao ; kae na lotou soko atu lolatou fia nealasi, na leaise lotou fakalogo loa ki au folafola, kae na lotou agasala loa ki au fakatotonu ala e fakamauli ia latou ala e taupau ia latou, ti na lotou agatuu loa, ti na leaise lotou fia fakalogo ki lau pule, kae na lotou fakafefeka olatou ua ti na leaise lotou fakalogo loa.

Sopo 9:4

A ana le poto mo le mafimafi : Ko ai leia e fakatutuu kiate ia kae leaise tautea a ia ?

Ekesote 9:7

Na afaafa loa e Falaone le nea leia na soko ; ti ko leinei na leaise mate fua se manu e tasi i kau manu a Iselaele. Kae na fakafefeka loa e Falaone lona loto, ti na leaise tuku loa e ia le kakai ke ano.

Taagapati 28:14

Manuia le tagata leia e i tuumau ki le Eteleno ! Kae ko leia e fakafefeka ia lona loto e vilo ki le malaia.

Taagapati 28:18

Ko le tagata leia e saele i le maoki e maua ia le fakamauli, Kae ko leia e saele i ni ala pikopiko e lua e vilo ki se tasi ia laua.

Taagapati 28:28

Ka malaga ki aluga le kau agaveli, e tasi mumuni le kakai, Ti ka lotou mamate, e tupu o toka api le kau agatonu.

Taagapati 6:15

Koia e soko fakapunamauli ai loa lona maumau ; E fati fakaofolele loa a ia, ti e leaise toe maua loa sona faitoo.

Esaia 28:22

Koia, i le aso nei, aua na kotou gologolo, Ke aua na toe fakamakeke okoutou sai ; Talie ko le maumaui o le fenua katoa kua oki i le fakapapau ; Na kau iloa le nea lena mei le Aliki, le Eteleno o kau tau.

Esaia 48:4

Kae na kau iloa ko koe ko se kakai loto fefeka, Ti ko lou ua ko se potu ukamea, Ti ko lou lae ko se potu sila,

Selemia 14:19

Pe kua ke tiaki loa a Suta ? Pe kua fakalialia lou laumalie ki Sione ? Kolea kua ke taai ai matou, kae e leaise fakamauli matou ? Na motou amanaki malie ki le tokamalie, kae e leaise soko se nea e malie, Ki se aso o le fakamauli, kae ko leinei ko le mamae fakaii !

Selemia 17:23

Na leaise lotou fakalogo, na leaise tokaga olatou taliga ; Na lotou fakafefeka olatou ua, Ke aua na fakalogo mo tali le akonaki.

Selemia 36:31

E kau tautea loa a ia mo lona sakoga, mo ana kau tagata fakasausau, o tupu ko alatou agaveli, ti e kau aumai loa kia latou, mo le kakai o Selusalemi, mo tagata o Suta, a malaia fuli ala kua kau fakasa kia latou, kae na leaise lotou fia fakalogo kiate au.

Apakuki 2:7

Pe leaise malaga fakapunamauli ake loa latou ala e ke tuu maua ki ai ? Pe leaise alaala ake loa latou ala na ke popula ki ai ? Io, e ke liliu loa ko lalatou nea kai.

Soane 13:18

E leaise kau masau kia koutou fuli ; e kau iloa latou ala kua kau filifili. Kae e tonu ke fakasoko le Tosi : Ko leia e kai ia mo au le pane Kua siki lona mulivae kiate au.

Soane 13:26

Na tali loa Sesu : Ko leia e kau soli loa ki ai le potu pane pekei. Ti na pekei loa e ia le potu pane, o soli kia Sutasi, vosa o Simone, le Isekaliote.

Gaoi 1:18

Na totogi e le tagata lena se kele ki le paaga o le tukipo, ti na vilo a ia o fati lua i lotomalie, o ano ki tafa ona tootooga fuli.

Gaoi 1:25

ke kau ki le gaoi fakaapositolo leia na tiaki e Sutasi kae ano a ia ki lona nofoaga totonu.

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Uluaki tosi a Samuele 2:25

Kapau e agasala se tagata ki se tasi tagata, e fakamaaui loa a ia e le Atua ; kae kapau e agasala a ia ki le Eteleno, ko ai e ulufaki ia loa a ia ? Ti na leaise la fakalogo loa ki le leo o lola tamana, talie na loto le Eteleno ke tamate laua.

Uluaki tosi a Samuele 2:34

Ti ko le fakamailoga leinei kiate koe, ko le nea leia ka soko loa ki ou vosa e toka lua ko Ofeni mo Finesi ; e la mamate loa toka lua i le aso e tasi.