Taagapati 28:8 - Tosi Tapu

⁸ Ko leia e fakalasi ia ona koloa ki lana paaga na soli ke toe totogi ake mo se tupu, mo se tupu mamafa, E tanaki ia latou ki leia e alofa ki le kau mativa.

Taagapati 28:8 Iomraidhean Croise

Lua tosi a Samuele 12:6

Ti e liufaki loa e ia ni ovi e fa, o tupu ko lana fai le nea lena, o tupu na leaise maua e ia se manava alofa.

Pesalemo 72:13

E aloalofa loa a ia ki le gaegae mo le mativa, Ti e fakamauli loa e ia le mauli o le kau mativa ;

Ekesote 22:25

Kapau e ke tuku loa se maua paaga ki le tagata mativa leia e nofo mo koe, leia e kau ki loku kakai, e leaise tonu ke ke faipe se tagata matapule, e leaise tonu ke ke tuku kiate ia se tupu o le paaga.

Taagapati 13:22

E tuku e le tagata agamalie se tofiga ki fanau o ana fanau, Kae na tanaki a koloa o le tagata agasala ki le tagata agatonu.

Taagapati 14:21

E agasala leia e vesia ki lona oloi, Kae e manuia leia e alofa ki le kau mativa !

Taagapati 14:31

Ko le fakaveliveli o le tagata mativa ko le lauveli ki leia na fakatupu ia a ia, Kae ko le alofa ki leia e fakaaloalofa ko le fakamauiga o leia na fakatupu ia a ia.

Taagapati 19:7

E vesia fetaina fuli o le tagata mativa kiate ia ; Ti e asilisili fakamamao ona kaukau nea iate ia ! E fakakolekole a ia kia latou, kae e lotou sosola o pupuli.

Ekelesiasi 2:26

Talie e soli e le Atua ki le tagata leia e malie ki ona mata le poto, mo le atamai, mo le fiafia ; kae e tuku e ia ki le tagata agasala ke tokaga o tanaki mo fakatuuga, o tupu ke soli ki leia e malie ki mata o le Atua. Ko se tasi foki a ia vaiga mo tuli o le matagi.

Esekiele 18:13

Ti kapau e soli e ia lana paaga talie ke toe liufaki ake kiate ia mo se tupu, pe mauli loa le vosa lena ? Leai, e leaise mauli loa a ia ; kua fai e ia a nea fakalialia fuli ana ; e mate maoki loa a ia ! ti e vilo loa lona toto kiate ia !

Esekiele 18:17

Ti kapau e fakamamao loa lona lima i le agaveli, ti kapau e leaise afa e ia se tupu o lana paaga pe ko se totogi, ti kapau e tausi e ia aku fakatotonu mo aku lao, e leaise mate loa le tagata lena o tupu ko le agasala o lona tamana ; kae e mauli loa a ia.

Esekiele 18:8

Leia e leaise soli ke ui ake mo se tupu, ti mo se totogi o le fakaaoga, leia e fakamamao lona lima i le agaveli ti e fakamaui i le faitotonu se tagata mo se tasi tagata,

Levitiko 25:36

Aua na ke too loa se totogi iate ia pe ko se tupu, e ke i loa ki lou Atua, ti e mauli loa lou taina mo koe.