Taagapati 28:20 - Tosi Tapu

²⁰ Ko le tagata agatonu e apele i tapuakina, Kae ko leia e fia mou koloa vave e leaise sala i le tautea.

Taagapati 28:20 Iomraidhean Croise

Neemia 7:2

Na kau tuku loa le pule o Selusalemi ki loku taina ko Anani, mo Anania, pule lasi o le fale solia, tagata na fakalaka i le toka lasi i lona agatonu mo lona alofa ki le Atua.

Pesalemo 101:6

E tuku loa oku mata ki le kau agatonu o le fenua, O tupu ke lotou nonofo i oku tafa ; Ko leia e saele i se ala saosaoa e liliu loa ko laku tagata fakasausau.

Taagapati 10:6

E maua ni tapuakina i aluga o le ulu o le tagata agatonu, Kae e apele a gutu o le kau agaveli i le fakamakeke.

Taagapati 13:11

Ko le koloa leia na maua vave e toe puli vave, Kae ko leia e tanaki mamalie e fakalasi ia a ia.

Taagapati 17:5

Ko leia e gologolo ki le mativa e lauveli ki leia na fakatupu ia a ia ; Ko leia e fakafiafia i se malaia e tautea loa.

Taagapati 19:2

E leaise malie le puli o le poto ki se tagata, Ti ko leia e fakatavili ia ona vae e vilo ki le agasala.

Taagapati 20:21

Ko le tofiga leia na maua vave i le kamataaga, E leaise tapuakina loa i le fakaoki.

Taagapati 20:6

E toka api latou ala e fakasa ia lolatou agamalie ; Kae ko se tagata agatonu, ko ai e maua ia loa a ia ?

Taagapati 23:4

Aua na ke mamae ulu ke ke mou koloa, Aua na ke fanaki ki lou atamai o ou.

Taagapati 28:22

E faiga se tagata manumanu koloa ke mou koloa vave, Kae e leaise iloa e ia ko le pakupaku leia ka kaku loa kiate ia.

Mateo 24:45

Ko ai loa le tagata fakasausau agatonu mo poto, leia kua fakanofo e lona aliki ke pule ki ana kakai, mo tufa ia kia latou le nea kai i lona temi totonu.

Mateo 25:21

Na pati loa lona pule kiate ia : E malie ai, tagata fakasausau agamalie mo agatonu ; na ke agatonu i se ganea ikiiki fua, e kau fakanofo loa a koe ke pule ki se nea lasi ; ulu ki le fiafia o lou pule.

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Luka 16:1

Na pati loa Sesu ki ana tisipulo : Na maua e se tagata mou koloa sana tagata taupau koloa, leia na fakasa loa kiate ia kua maumaui e ia ona koloa.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Apokalipisi 2:13

E kau iloa le ganea leia e ke nofo ai, e kau iloa e tuu i ai le ekeekeaga sau o Satana. E ke taofi mau loku suafa, ti na leaise ke fakafiti ki le tui kiate au, io, i aso foki o Atipasi, ko laku tagata fakamaoki agatonu, leia na tamate ia koutou, i le ganea leia e tuu ai le nofoaga o Satana.

Uluaki tosi a Samuele 22:14

Na tali loa Asimeleke ki le sau : Ko ai i au tagata fakasausau fuli e feala ke fakatatau kia Tavite, tagata fakasausau agatonu, fugao o le sau, leia e alofa ki ana fakatotonu, ti e alofa ki ai lou fale ?