Taagapati 28:17 - Tosi Tapu

¹⁷ Ko se tagata leia e nofo mo se tukipo i lona loto E sola o kaku ki le popoko : ke aua na taofi a ia !

Taagapati 28:17 Iomraidhean Croise

Senesi 4:12

Ka ke gaoi loa ki le kele, e leaise toe soli atu loa e le kele kiate koe lona koloa. E ke sese loa, ti e ke foli noa loa i aluga o le kele.

Senesi 9:6

Kapau e liligi e se tasi le toto o se tagata, ti e toe liligi loa e le tagata lona toto ; talie kua fakatupu e le Atua le tagata o fakatatau kiate ia.

Lua tosi a Samuele 13:34

Na sola loa Apesalone. Ti na tio loa le tagata leo mei mamao ki ni fenua api ala e ifo ake i le ala leia i ona muli, i le fetuu o le mauga.

Lua tosi a Samuele 18:15

Na takatakai loa Apesalone e tama tupulaga e tino agafulu ala na amo ia a masafu a Soape, ti na lotou taai loa a ia mo tamate loa a ia.

Uluaki tosi o Sau 2:29

Na fakasa loa ki le sau ko Salomone kua mumuni Soape i le falela o le Eteleno, ti kua tapiki a ia ki tala o le aletale. Ti na kakau loa kiate ia e Salomone a Penasa, vosa o Seosata, o pati : Ano, o tamate a ia.

Uluaki tosi o Sau 21:19

E ke pati loa kiate ia : Ko leinei le folafola a le Eteleno : Pe leaise ko se tagata tukipo mo kaia a koe ? Ti e ke pati loa kiate ia : Ko leinei le folafola a le Eteleno : I le ganea totonu leia na epo ai e kuli le toto o Napote, e toe epo ai loa e kuli lou toto.

Uluaki tosi o Sau 21:23

Na toe folafola foki le Eteleno o uiga mo Sesapele, o pati : E kai loa Sesapele e kuli i tafa o paa o Siseleele.

Lua tosi o Sau 9:26

Na pati loa le Eteleno : Na kau tio nanafi ki le toto o Napote mo le toto o ona vosa, ti e kau liufaki atu loa kiate koe le nea lena, i le faisaga fai leinei. Too a ia, o ti ki le faisaga, o mulimuli ki le folafola a le Eteleno.

Ekesote 21:14

Kae kapau, i lona loto veli ki lona oloi, e fai loa e se tasi se puleaki kaka ke tamate ai a ia, e ke tatai loa a ia, tatau aifai pe mei loku aletale, o tamate a ia.

Taagapati 6:17

Ko mata ala e fia nealasi, mo le alelo leia e loi, Mo lima ala e liligi ia le toto saosaoa,

Selemia 41:15

Kae na sola loa Isemaele, vosa o Netania, mo ni tagata e toka valu i mua o Sokanane, o ano ki le kau Amone.

Gaoi 28:4

I le tio a le kakai o le fenua ki le piki o le gata i lona lima, na lotou fepatiaki loa : E maoki ai ko le tagata leinei ko se tagata tukipo, talie na leaise loto le Faitotonu ke mauli a ia, i le oki o lona sao mei le tai.

Tetelonome 19:11

Kae kapau e sola loa se tagata ki se kolo o kolo ana, kae na teuteui e ia ni puleaki veveli i lona vesia ki lona oloi, ti na lama e ia a ia o taai o tupu ai lona mate,