Taagapati 28:16 - Tosi Tapu

¹⁶ Ko se pule sala atamai e liuliuga ia ni lagiaki fakamakeke, Kae ko leia e vesia ki le manumanu koloa e fakatologa ia ona aso.

Taagapati 28:16 Iomraidhean Croise

Uluaki tosi o Sau 12:10

Ti ko leinei le nea leia na fakasa loa kiate ia e le kau tupulaga leia na lalasi fakatasi ake mo ia : E ke masau feneeki loa ki le kakai lena na fai atu ia kiate koe le masau lena : Na fakamamafa e lou tamana lamatou kavega, ti ko koe, ke ke fakamaamaa mai a ia kia matou ! E ke masau feneeki loa kia latou : E fualasi ake loku ga maikao ikiiki i le lima o loku tamana.

Uluaki tosi o Sau 12:14

kae na tali feneeki loa a ia kia latou, o mulimuli ki le tokoi a le kau tupulaga : Na teki e loku tamana kia koutou se kavega mamafa lasi, kae ko au, e kau teki loa kia koutou se kavega leia e toe mamafa lasi ake ; na tautea koutou e loku tamana ki le suipi, kae ko au, e kau tautea loa koutou ki le laakau talatala.

Neemia 5:15

Kae ko kovana ala na muamua iate au na fakamamae ia le kakai ki le tukusau lena, o lotou tali mei le kakai le pane, mo le vino ti mo fa sikele paaga e kau fa ; io, na fakavelivelii e alatou tagata fakasausau le kakai. Na leaise kau fai fua le nea lena, talie na kau i ki le Atua.

Ekesote 18:21

Filifili e koe i le kakai katoa ni tagata poto, ni tagata ala e alofa ki le Atua, ni tagata agatonu mo loto sako ti e leaise manumanu ; ti fakanofo loa e koe latou ko ni pule ki le tino afe, mo le tino lelau, mo le tino lima, ti mo le tino agafulu.

Taagapati 15:27

Ko leia e manumanu koloa e fakamamae ia lona fale, Kae ko leia e vesia ki nea alofa e mauli loa.

Ekelesiasi 10:16

Malaia ki le fenua leia ko lona sau ko se toe, ti ko ona tama aliki e kai fai mei le usu !

Ekelesiasi 4:1

Na kau fakakaukau foki ki fakamakeke fuli ala e fai i le lalo laa ; ti ko leinei, kua taomia le kakai, mo fetagisi, ti e leaise tasi ke fakapelepelei ia latou ! E kau le pule mo le kau fakamakeke, kae e leaise tasi ke fakapelepelei ia latou.

Esaia 3:12

Kua fakamakekei loku kakai e ni toe, Ti kua pule ni fafine kiate ia. Ei loku kakai ! kua fakasese a koe e latou ala e taki ia a koe, Ti kua lotou fakaliliu o fakalialia le ala leia e ke saele ai.

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !