Taagapati 28:13 - Tosi Tapu

¹³ Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Taagapati 28:13 Iomraidhean Croise

Senesi 4:9

Na pati loa le Eteleno kia Kaino : Kofea lou taina ko Apele ? Na tali loa a ia : E leaise kau iloa ; pe ko le tagata taupau au o loku taina ?

Lua tosi a Samuele 12:13

Na pati loa Tavite kia Natane : Kua kau agasala ki le Eteleno ! Ti na pati loa Natane kia Tavite : Kua fakamolemole e le Eteleno lau agasala, e leaise ke mate loa.

Lua tosi a Samuele 14:32

Na tali loa Apesalone kia Soape : Ko leinei, na kau kole atu ke ke au kiate au i leinei, ti e kau kakau loa a koe ki le sau talie ke ke pati kiate ia : Kolea le uiga o laku au mei Kesuli ? Na malie ake kiate au laku nofo i ai ! I le temi nei e kau fia tio ki mata o le sau ; ti kapau e i ai se sala iate au, ti ke fakatotonu e ia ke tamate au.

Lua tosi o Sau 20:15

Ti na toe pati loa Esaia : Kolea le nea leia na lotou tio ki ai i lou fale ? Na tali loa Esekiasi : Na lotou tio ki nea fuli o loku fale : na leaise nea fua i oku koloa na leaise kau fakasa kia latou.

Lua tosi o Koloniko 6:26

Ka mapono loa le lagi ti e leaise toe to loa se ua, o tupu ko alatou agasala kiate au, kapau e lotou faikole loa i le ganea leinei ti e lotou su loa ki lou suafa, ti kapau e lotou tiaki loa alatou agasala, talie na ke tautea loa latou,

Esetalasi 10:11

Kotou kofesio i le aso nei lakoutou agasala ki le Eteleno, le Atua o okoutou tamana, ti kotou fai lona finegalo ! Kotou mavae mei le kakai o le fenua ti mo fafine matapule.

Esetalasi 10:2

Ti na masau loa Sekania, vosa o Seiele, mei le sakoga o Elame, o pati kia Esetalasi : Kua motou agasala ki lomatou Atua, o tupu ko lamatou avaga mo ni fafine matapule, ala e kau ki le kakai o le fenua. Kae e leaise sala amanaki malie Iselaele i le nea lena.

Neemia 9:2

Ko latou ala na kau ki le sakoga o Iselaele, na mavae kese loa mei le kau matapule fuli, ti na lotou au loa o kofesio alatou agasala mo agaveli o olatou tamana.

Sopo 31:33

Ti kapau, ofaipe tagata fuli, na kau fufu aku sala, Ti na kau kofu aku agaveli i loku manava,

Sopo 33:27

E sua loa a ia o fakasa ki tagata fuli : Na kau agasala, na kau maumaui le lao, kae na leaise fakatua au o mulimuli ki laku agaveli ;

Sopo 34:31

Talie ko ai le tagata leia kua pati ki le Atua i se aso : Kua oki loku tautea, e leaise kau toe agasala loa ;

Pesalemo 51:10

Ke ke fakasa mai kiate au le nekenekea mo le fiafia, Ti e fiafia loa a ivi ala na ke fatifatii.

Taagapati 10:12

E fakasolosolo e le vesia ni fefele, Kae e uufi e le alofa a sala fuli.

Taagapati 17:9

Ko leia e uufi ia se sala e afa ia le alofa, Kae ko leia e fakamanatu ia a ia i ana masau e veteki ia a kaukau nea.

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Selemia 2:35

Kae logo ai le nea lena, e ke pati : Io, e kau mea ! Kua maliu maoki lona sausau iate au ! Ko leinei, ka kau fakamaau loa mo koe, Talie e ke pati : Na leaise kau agasala fua.

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Levitiko 5:5

Ko le tagata leia kua visia i se agasala i agasala ana, e tonu ke kofesio loa e ia le nea lena na tupu ai lana agasala,

Sonasi 3:10

Ti na tio loa le Atua kua lotou fai felaaki, ti kua lotou tafoki mei olatou ala veveli. Ti na fakasemala loa le Atua ki le veli leia na fakatotonu e ia ke fai kia latou, ti na leaise fakasoko loa e ia a ia.

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Tuifakamaau 10:15

Na pati loa fanau a Iselaele ki le Eteleno : kua motou agasala loa ; fai kia matou lou finegalo. Ko leia fua, saofaki matou i le aso nei !

Uluaki tosi a Samuele 15:13

Na ano loa Samuele kia Saulo, ti na pati loa Saulo kiate ia : Ke tapuaki le Eteleno kiate koe ! Kua kau fai le fakatotonu a le Eteleno.

Uluaki tosi a Samuele 15:24

Ti na pati loa Saulo kia Samuele : Kua kau agasala, talie kua kau maumaui le fakatotonu a le Eteleno, ti na leaise kau fakalogo ki au masau ; na kau i ki le kakai, ti na kau fakalogo ki lona leo.

Uluaki tosi a Samuele 15:30

Na toe pati loa Saulo : Kua kau agasala ! I le lakaga nei, e kau kole atu kiate koe, fakaapaapa mai kiate au i mua o le kau matua o loku kakai mo mua o Iselaele : toe au mo au, ti e kau atolasio loa ki le Eteleno, lou Atua.