Taagapati 28:11 - Tosi Tapu

¹¹ E pati le tagata mou koloa e poto a ia, Kae ko le tagata mativa leia e atamai e matala ki lona anoaga totonu.

Taagapati 28:11 Iomraidhean Croise

Sopo 32:9

E leaise ko le lasi o fetuu leia e soli ia le poto, E leaise ko le matua leia e fakaliliu ia le tagata o poto i le fakamaau.

Taagapati 18:11

Ko le koloa ko se kolo makeke ki le tagata mou koloa ; E pati a ia, ko se paa taualuga a ia.

Taagapati 18:17

Ko leia e uluaki masau i le fakamaauaga e mata maoki, Kae ka au le fakafesagai, e toe tioi a ia.

Taagapati 19:1

E malie ake le tagata mativa leia e saele i le maoki, I le tagata leia e maua ia ni laugutu veli ti e valea.

Taagapati 23:4

Aua na ke mamae ulu ke ke mou koloa, Aua na ke fanaki ki lou atamai o ou.

Taagapati 26:12

Kapau e ke tio ki se tagata leia e tui e poto, Ti e lasi ake le amanaki malie ki se tagata valea i le tagata lena.

Taagapati 26:16

E pati le tagata gasueveli e poto ake a ia I ni tagata e toka fitu ala e tali poto.

Taagapati 26:5

Tali ki le vale o mulimuli ki lona valea, Talie ke aua na pati a ia e poto a ia.

Taagapati 3:7

Aua na ke poto i ou mata totonu, I ki le Eteleno, ti ke tafoki i le veli :

Esaia 5:21

Malaia kia latou ala e popoto kia latou totonu, Ti e manatu e lotou atamai !

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 12:16

Ke kotou maua ni manatu loto tatau i okoutou vasaa. Ke aua na kotou oli ki nea taualuga, kae ke kotou oli ki nea taulalo. Ke aua na kotou fia poto.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.