Taagapati 27:22 - Tosi Tapu

²² Kapau e ke tuki ia o lalai le tagata valea i se nea tuki kava, O fakatasi mo ni fuai fulumeto ki se fa tuki kava E leaise mavae foki lona valea iate ia.

Taagapati 27:22 Iomraidhean Croise

Uluaki tosi o Sau 13:33

I le sili o le nea lena, na leaise tafoki loa a Selopoamo mei lona ala veli. Na toe fakatupu loa e ia ni pelepitelo ki potu taualuga, ala na filifili loa e ia i le kakai katoa ; na fakatapui e ia ko le pelepitelo o ganea tapu leia fua e oli ki ai.

Ekesote 12:30

Na tuu ake loa Falaone i le pouli, a ia mo ana tagata fakasausau fuli, ti mo le kau Esipito katoa ; ti na logo loa i Esipito ni tagi lalasi, talie na leaise sala se fale mo lona mate.

Ekesote 14:5

Na fakasa loa ki le sau o Esipito kua sola le kakai o Iselaele. Ti na fetogi loa le loto o Falaone mo le loto o ana tagata fakasausau, ki le kakai o Iselaele. Na lotou pati loa : Kolea kua tou fai ai le nea lena, ke tou tuku ai Iselaele ke ano, kae e leaise tou toe maua ia loa alatou gaoi malilie ?

Ekesote 15:9

Na pati le fili : E kau tuli loa, e kau maua loa, E kau vae loa le koloa o le fili ; E kau fakamakona loa loku fia lagavaka, E kau tosoi loa le seleta, ti e maumaui loa latou e loku lima.

Taagapati 14:24

Ko le koloa ko se pala ki le kau poto ; Kae ko le valea o le kau vale e tuu mau aifai ko le valea.

Taagapati 23:35

E ke pati loa : Na ta au… kae e leaise kau maemaeia !… Na sasa au… kae e leaise kau logoi se nea !… E kau ala fakaa loa ?… koi kau fia inu !

Taagapati 26:11

Ofaipe se kuli leia e toe liliu ki le nea leia na luluai e ia, E fenaaki le vale leia e toe liliu ki lona valea.

Esaia 1:5

Koa ni tautea foou ke teki kia koutou ? Talie kua kotou liuliuga akoutou agatuu. Kua masaki le fa ulu katoa, Ti kua mamae le mafu katoa.

Selemia 13:23

Pe feala ke fetogi e se tagata Etiopia lona kili, Ti mo se leopale ona pulepule ? E tatau foki mo koutou, pe feala ke kotou fai le malie, Koutou ala kua masani i le fai o le veli ?

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Uluaki tosi a Samuele 19:21

Na fakasa loa le nea lena kia Saulo, leia na toe kakau ia loa ni iki ake tagata avelogo, ti na lotou toe folafola fakakikite mo latou foki. Na toe kakau loa e ia ni iki ake tagata avelogo, ko lona tua tolu a ia, ti na lotou toe folafola fakakikite foki mo latou.