Taagapati 26:25 - Tosi Tapu

²⁵ Ka too e ia se leo malu, aua na ke tui kiate ia, Talie e tuku a nea fakalialia e fitu i lona loto.

Taagapati 26:25 Iomraidhean Croise

Neemia 6:2

Ti na kakau mai loa kiate au e Sanepala mo Kesemi se tasi, o pati : Au ke tou felogoi fakatasi i kolo liliki o le vaivailiua o Ono. Na lotou fakakaukau ke lotou fai se nea veli kiate au.

Pesalemo 12:2

Eteleno, ke ke fakamauli ! talie kua pupuli latou e alofa ki le Atua, Kua lavaki a tagata agatonu i vosa o tagata.

Pesalemo 28:3

Aua na ke ave au mo le kau agaveli ti mo le kau aga fakalialia, Ala e masau ki le tokamalie ki olatou oloi, kae e lotou maua i olatou loto le kaka.

Taagapati 23:7

Talie e fai a ia pe manatu o lona laumalie. E pati atu loa a ia : Kai ti inu ; Kae e leaise nofo lona loto mo koe.

Taagapati 26:23

Ofaipe ni sikoli siliva e uufi ia se ipu kele, E fenaaki ni laugutu vevela e uufi ia se loto veli.

Selemia 12:6

Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Mikea 7:5

Aua na ke tui ki se kaukau nea, Aua na ke fanaki ki sou kaiga totonu ; Tapono matapa o lou gutu I mua o le fafine leia e malolo i lou fatafata.

Mateo 24:23

Kapau e pati atu loa se tasi kia koutou : E nofo Kilisito i leinei, pe : E nofo a ia i leia, aua na kotou tui ki ai.

Uluaki tosi a Samuele 18:17

Na pati loa Saulo kia Tavite : Ko leinei, e kau soli atu loa ke avaga mo koe loku taine uluaki ko Melape : ko leia fua ke ke tausi kiate au mo le loto toa, o fai a tau a le Eteleno. Kae na pati Saulo i lona loto : E leaise kau loto ke kau fafa loku lima kiate ia, kae ke tamate a ia e le lima o le kau Filisitini.