Taagapati 25:23 - Tosi Tapu

²³ E fanaui e le matagi o le potu noleto le ua, Ti e fanaui e le alelo fakaveli ni mata itaita.

Taagapati 25:23 Iomraidhean Croise

Sopo 37:22

E fakaliliu e le matagi o le potu noleto ke gigila le lagi ofaipe le aulo. Io, e fakaii ai le agai o le Atua !

Sopo 37:9

E au le asesio mei le potu saute, Ti mo le momoko mei matagi o le potu noleto.

Pesalemo 101:5

Ko leia e lauveli fakafufu ki lona oloi, E kau tapono ia loa lona gutu. Ko leia e maua ia ni mata matasoka mo se loto fia nealasi, e leaise kau kataki loa kiate ia.

Pesalemo 15:3

E leaise lau e ia ni veli ki lona oloi, E leaise fai e ia se nea veli ki lona oloi, Ti e leaise fai e ia se nea fakalumaluma ki lona oloi.

Pesalemo 35:16

E lotou gugu olatou nifo kiate au o fakatasi mo le kau fakalialia mo le kau gologolo.

Taagapati 26:20

Ka sala fafie, e mate le afi ; Ti ka sala tagata folafola veli, e gato le felega.

Loma 1:30

Ko latou ko nea gutu mumusu, mo fatufatu, mo vesia ki le Atua, mo fakamakeke, mo fia sa, mo viki tonu, mo fakatupu veli, mo patigataa ki matua, mo sala atamai,

Lua tosi ki le kau Kolinto 12:20

Talie e kau i na leaise kau maua koutou, i laku tau atu, ofaipe le nea leia e kau loto ki ai, ti ke kotou maua au ofaipe le nea leia e leaise kotou loto ki ai. E kau tuania na i ai ni fefele, mo ni finenonofo, mo ni masau lalasi, mo ni fefiliaki, mo ni fatufatu, mo ni lauveli, mo ni fia nealasi, ti mo ni maveuveu.