Taagapati 25:22 - Tosi Tapu

²² Talie ko ni malala kaka ana e ke tanaki i lona ulu, Ti e fakapale loa a koe e le Eteleno.

Taagapati 25:22 Iomraidhean Croise

Lua tosi a Samuele 16:12

E lagi tio loa le Eteleno ki loku fakaaloalofa, ti e fai loa e ia kiate au le nea e malie o fetogi ai loku fakamalaia i le aso nei.

Lua tosi o Koloniko 28:15

Ti na tutuu ake loa ki aluga le kau tagata lena kua tosi olatou igoa, o too le kau popula ; ti na lotou fakaaoga loa le koloa o le tau o fakalava ai latou ala na telefua ; ti na lotou soli loa kia latou ni nea lava mo ni taka, ti na lotou fagai loa latou mo fakainu, ti na lotou faitoo loa latou, ti na lotou fakaeke loa latou fuli ala na gaegae ki ni asino, ti na lotou taki loa latou ki Seliko, le kolo o palemie, ki olatou fetaina. Ti na lotou toe liliu loa ki Samalia.

Mateo 10:13

ti kapau e tali a ia e le loto fale lena, ti ke ifo lokoutou tokamalie ki le loto fale lena ; kae kapau e leaise tali a ia e le loto fale lena, ti ke toe liliu mai lokoutou tokamalie kia koutou.

Mateo 6:4

o tupu ke fai fakafufu lou nea alofa ; ti e toe liufaki atu loa a ia kiate koe e lou Tamana leia e tio i le ganea fakapulipuli.

Mateo 6:6

Kae ka ke faikole, ulu ki lou kogafale, tapono lou matapa, ti ke faikole ki lou Tamana leia e nofo i ai i le ganea fakapulipuli ; ti ko lou Tamana, leia e tio i le ganea fakapulipuli, e toe liufaki ia atu loa a ia kiate koe.

Uluaki tosi ki le kau Kolinto 15:18

ti kua pulinoa foki latou ala na mamate ia Kilisito.

Uluaki tosi a Samuele 24:18

Ti na pati loa a ia kia Tavite : E ke faitotonu ake iate au ; talie na ke fai kiate au le nea malie, kae ko au na kau fai kiate koe le nea veli.