Taagapati 24:17 - Tosi Tapu

¹⁷ Aua na ke fakafiafia mo ka vilo lou fili, Ti aua na nekenekea lou loto mo ka seke a ia,

Taagapati 24:17 Iomraidhean Croise

Lua tosi a Samuele 3:32

Na tanu loa Apenele i Epelone. Na tagi leo lasi loa le sau i le tanuma o Apenele, ti na tagi loa le kakai katoa.

Sopo 31:29

Ti kapau na kau fiafia i le malaia o loku fili, Ti kapau na kau soposopo i le temi o lona malaia,

Pesalemo 35:15

Kae ko leinei kua kau siga, e lotou fakatasi ti e lotou fiafia, E lotou fakatasi fakafufu o lauveli kiate au, E leaise lotou manavanava loku sae.

Pesalemo 35:19

Aua na ke tuku ke fiafia kiate au latou ala kua liliu ko oku fili kae e leai sona tupuaga : Ke aua na tio fakaveli mai kiate au latou ala e vesia fakafuanoa mai kiate au.

Pesalemo 42:10

E kau pati ki le Atua, loku utu : Kolea e ke galoi ai au ? Kolea e tonu ai ke kau saele i le mamae, I le fakaveliveli a le fili ?

Taagapati 17:5

Ko leia e gologolo ki le mativa e lauveli ki leia na fakatupu ia a ia ; Ko leia e fakafiafia i se malaia e tautea loa.

Taagapati 24:18

Ke aua na tio le Eteleno ki le nea lena, ti ke veli a ia kiate ia, Ti ke aua na fulusi kese e ia lona ita iate ia.

Apetiasi 1:12

Na leaise tonu ke ke tio fakafiafia ki le aso o lou taina, le aso o lona malaia ; Na leaise tonu ke ke fakafiafia ki fanau a Suta i le aso o lolatou maumaui, Ti na leaise tonu ke ke lauveli kia latou i lou gutu i le aso o lolatou mamae.

Mikea 7:8

Aua na ke fakafiafia o tupu ko au, ei loku fili ! Talie kapau na kau siga, e kau toe tuuake loa ki aluga ; Kapau na kau tonatona i le fakapouli, E liliu loa le Eteleno ko loku malama.

Tuifakamaau 16:25

I le lasi o le fiafia o olatou loto, na lotou pati loa : Ke aumai Samisoni, ti ke fai e ia ni manogi ke fakafiafia ai otou loto ti ke tou kakata ai. Na lotou too loa Samisoni mei loto o lona pilisoni, ti na lotou kakata loa i le tio kiate ia. Na lotou fakatuu loa a ia i loto malie o pou o le fale tapu.