Taagapati 24:12 - Tosi Tapu

¹² Kapau e ke pati : a ! na leaise motou iloa !… Pe leaise iloa a ia e leia e fuafua ia le mamafa o loto ? Pe leaise iloa a ia e leia e taupau ia lou laumalie ? Pe leaise totogi loa e ia ki le tagata taki toka tasi o mulimuli ki ana gaoi ?

Taagapati 24:12 Iomraidhean Croise

Sopo 34:11

E liufaki e ia ki le tagata o mulimuli ki ana gaoi, Ti e totogi e ia le tagata o mulimuli ki ona ala.

Pesalemo 121:3

E leaise fakataga loa e ia ke seke lou vae ; Ko leia e leoleo ia a koe e leaise tulemoe loa.

Pesalemo 121:8

E taupau loa e le Eteleno lou mavae mo lau kaku, I le temi nei o lee gato.

Pesalemo 17:3

Kapau e ke tilo loku loto, kapau e ke asiasi ki ai i le pouli, Kapau e ke asiasii au, e leaise ke maua loa se nea : E leaise kese laku manatu i le nea leia e vilo mei loku gutu.

Pesalemo 44:21

Kapau na motou galoi le suafa o lomatou Atua, Ti na motou siki omatou lima ki se atua kese,

Pesalemo 62:12

Na masau le Atua o tua tasi ; Na kau logo tua lua ki le nea leinei : Ko le makeke a le Atua a ia.

Pesalemo 66:9

Na taupau e ia omatou laumalie, Ti na leaise fakataga e ia ke seke omatou vae.

Pesalemo 7:9

E fakamaau e le Eteleno a atu puleaga : Fakamaau au, Eteleno, o mulimuli ki le faitotonu, O mulimuli ki loku maokioki mo loku mea !

Pesalemo 94:9

Ko leia na to ia le taliga, pe leaise logo loa a ia ? Ko leia na fai ia le mata, pe leaise tio loa a ia ?

Taagapati 12:14

E feala ke logologona le tagata i masau o lona gutu, Kae e fakapale le tagata taki toka tasi o mulimuli ki le gaoi o ona lima.

Taagapati 16:2

E mea ala fuli o le tagata ki ona mata, Kae e fakamaau e le Eteleno a manatu o le loto.

Taagapati 21:2

E sako a ala fuli o le tagata ki ona mata ; Kae ko leia e fuafua ia le mamafa o loto ko le Eteleno.

Taagapati 5:21

Talie e tuu a ala o le tagata i mua o le Eteleno, Leia e tio ki ona ala fuli.

Taagapati 5:22

E saisai le tagata agaveli e ana aga veveli totonu, E tapo a ia e va o lana agasala.

Ekelesiasi 5:8

E malie ake ki le fenua ke maua e ia se sau leia e fakamuamua ia i nea fuli le gaoi ki faisaga.

Selemia 17:10

Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Selemia 32:19

E ke lasi i au fakatuutuu ti e ke mafimafi i gaoi. E tio ou mata ki ala fuli o fanau a tagata, Ke totogi ki le tagata taki tasi o mulimuli ki ona ala, O mulimuli ki le fua o ana gaoi.

Tagi laulau a Selemia 3:36

Ka fakalakasala se tasi i lona fakamaau, Pe leaise tio le Aliki ki ai ?

Taniela 5:23

Na ke malaga ki aluga o agatuu ki le Aliki o le atu lagi ; ti na ke aumai a ipu o lona fale ki ou mua, ti na kotou inu ki ai le vino, e koe mo lau kau lalasi, mo au avaga, mo au feauaki ; na ke fakavikiviki ki atua siliva, mo aulo, mo kapa, mo ukamea, mo laakau, mo fatu, ala e leaise logo fua, e leaise tio fua, ti e leaise iloa fua se nea, kae na leaise ke fakakololiai le Atua leia e too ia i lona lima lau tukumanava ti mo ou ala fuli.

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Gaoi 17:28

talie e tou maua iate ia le mauli, mo le taugaoi, ti mo le agaaga. Na fakasa foki le nea lena e ni iki o okoutou tagata maau : Talie tou kau foki ki lona lanu.

Loma 2:16

E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Loma 2:6

leia e totogi ia loa ki tagata taki toka tasi o mulimuli ki ana gaoi :

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Apokalipisi 1:18

Ko au ko le uluaki, ti ko le fakamulimuli, ti ko leia e mauli. Na kau mate ; ti ko leinei, kua kau mauli ki sekulo mo sekulo. E kau too a kalavi o le mate ti mo le nofoaga o le kau mate.

Apokalipisi 2:18

Tosi ki le aselo o le Ekelesia o Tiatile : Ko leinei le nea leia e pati ki ai le Alo o le Atua, leia e tatau ona mata mo se ula o se afi, ti e tatau ona vae mo se sila kaka :

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.

Apokalipisi 22:12

Ko leinei, e kau au vave ; ti e kau aumai loa mo au aku fakapale, ti e kau tufa loa latou ki le tagata taki toka tasi o mulimuli ki lana gaoi.

Uluaki tosi a Samuele 16:7

Ti na pati loa le Eteleno kia Samuele : Aua na ke tokaga ki ona mata mo lona taualuga, talie ku kau tiaki a ia. Talie e leaise tio le Eteleno ofaipe le tio a le tagata ; E tio le tagata ki le nea leia e sa i tafa, kae e tio le Eteleno ki le loto.

Uluaki tosi a Samuele 2:3

Aua na kotou toe masau fia nealasi ; Ke aua na mapuna mai le masau makeke i lokoutou gutu ; Talie ko le Eteleno ko se Atua leia e iloa ia a nea fuli, Ti ko ia leia e fua ia a gaoi fuli.

Uluaki tosi a Samuele 2:6

E fakamate ti e fakamauli e le Eteleno, E fakaifo e ia ki le nofoaga o le kau mate, ti e toe fakapale ake e ia mei ai.

Uluaki tosi a Samuele 25:29

Kapau kua malaga se tagata o tuli a koe ti mo loto ki lou mauli, e puipui tuumau loa le laumalie o loku aliki e le Eteleno, lou Atua, i ona tafa, kae tiaki loa e ia ki mamao, ofaipe se kalolo, le mauli o ou fili.