Taagapati 23:7 - Tosi Tapu

⁷ Talie e fai a ia pe manatu o lona laumalie. E pati atu loa a ia : Kai ti inu ; Kae e leaise nofo lona loto mo koe.

Taagapati 23:7 Iomraidhean Croise

Pesalemo 12:2

Eteleno, ke ke fakamauli ! talie kua pupuli latou e alofa ki le Atua, Kua lavaki a tagata agatonu i vosa o tagata.

Pesalemo 55:21

E siki e ia lona lima kia latou ala na tokamalie mo ia, E maumaui e ia lana sai.

Taagapati 19:22

Ko le nea leia e fakatupu ia le fulumalie o se tagata ko lona agamalie ; Ti e malie ake se tagata mativa i se tagata gutu loiloi.

Taagapati 26:23

Ofaipe ni sikoli siliva e uufi ia se ipu kele, E fenaaki ni laugutu vevela e uufi ia se loto veli.

Taagapati 26:24

Ko le tagata leia e loto veli e kofu ki ona laugutu, Kae e nofo le kaka i lona loto.

Taagapati 26:25

Ka too e ia se leo malu, aua na ke tui kiate ia, Talie e tuku a nea fakalialia e fitu i lona loto.

Taniela 11:27

E afa loa e sau ana e lua i ola loto ke fai se veli, ti e la femasauaki loa i le laupapa e tasi i le kaka. Kae e leaise manuia loa a ia, talie koi soko loa le fakaoki i le temi leia kua fakatuutuu.

Luka 7:39

Ko le faliseo leia na fakaafe ia Sesu, i lana tio ki le nea lena, na pati loa i lona loto : Kapau na polofeta maoki le tagata leinei, e iloa loa e ia pe ko ai le fafine leia e fafa kiate ia, mo lona anoaga totonu : ko se fafine agasala.

Tuifakamaau 16:15

Na pati loa a Talila kiate ia : Pe feaki ke ke mafai ia le pati mai kiate au : e kau alofa kiate koe ! kae e leaise nofo lou loto mo au ? Ko le tua tolu leinei o lau manogii au, ti mo lau fufu mai kiate au le tupuaga o lou makeke lasi.