Taagapati 23:4 - Tosi Tapu

⁴ Aua na ke mamae ulu ke ke mou koloa, Aua na ke fanaki ki lou atamai o ou.

Taagapati 23:4 Iomraidhean Croise

Sopo 27:19

E moe a ia i koloa, kae e mate loa a ia i le telefua ; E fakamavaa ake e ia ona mata, o tio kua puli nea fuli.

Taagapati 15:27

Ko leia e manumanu koloa e fakamamae ia lona fale, Kae ko leia e vesia ki nea alofa e mauli loa.

Taagapati 26:12

Kapau e ke tio ki se tagata leia e tui e poto, Ti e lasi ake le amanaki malie ki se tagata valea i le tagata lena.

Taagapati 27:24

Talie e leaise tologa le koloa o lee gato, Ti e leaise tologa se pala fakasau o lee gato.

Taagapati 28:20

Ko le tagata agatonu e apele i tapuakina, Kae ko leia e fia mou koloa vave e leaise sala i le tautea.

Taagapati 3:5

Fanaki ki le Eteleno i lou loto katoa, Kae aua na ke fanaki ki lou poto ;

Taagapati 3:7

Aua na ke poto i ou mata totonu, I ki le Eteleno, ti ke tafoki i le veli :

Ekelesiasi 5:13

E puli noa lona koloa i se tutamaki ; ti na tupu ake sona vosa, e leaise koi maua fua se nea i ona lima.

Esaia 5:21

Malaia kia latou ala e popoto kia latou totonu, Ti e manatu e lotou atamai !

Selemia 9:22

Ke ke pati : E folafola le Eteleno, o pati : E vivilo loa a mate o tagata Ofaipe se nea fakagako kele i faisaga, Ofaipe le vilo o se taulu fulumeto i muli o le tagata tuuti fulumeto, Leia e leaise tae e se tasi.

Mateo 6:19

Aua na kotou tanaki ni koloa i le kele leinei, talie ko le ganea lena e maumau ai le ugogo mo le kelemea, ti ko le ganea foki lena e puui ai ti mo kaia ai le tagata kaia ;

Maleko 4:19

kae ko le tokaga ki nea o le sekulo, mo le kaka o koloa, ti mo le ulu o la ake manumanu fuli, e taotao ia le folafola ke aua na fua.

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 12:16

Ke kotou maua ni manatu loto tatau i okoutou vasaa. Ke aua na kotou oli ki nea taualuga, kae ke kotou oli ki nea taulalo. Ke aua na kotou fia poto.

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe