Taagapati 23:21 - Tosi Tapu

²¹ Talie ko le tagata inu kava mo leia e kai fakavale e liliu o mativa, Ti ko le moe e fakatupu ia ni kofu masaesae.

Taagapati 23:21 Iomraidhean Croise

Taagapati 18:9

Ko leia e gaoi fakagasueveli E tautaina mo leia e maumau.

Taagapati 19:15

Ko le gasueveli e fakavilo ia ki tulemoe, Ti ko le laumalie leia e gasueveli e mamae loa i le fia kai.

Taagapati 21:17

Ko leia e manako ki le fakafiafia e nofo i le mativa ; Ko leia e manako ki le vino mo le kaloni e leaise mou koloa.

Ekelesiasi 10:18

Ka kaekae a lima, e vilo le ato ki le fa ulu, ti ka e leaise gaoi a lima, e tulu le fale.

Soele 1:5

Kotou alaala, kau konana, ti kotou fetagisi ! Koutou fuli, kau inu vino, kotou tagi laulau, Talie kua too le vino mei okoutou gutu !

Mateo 11:19

Na au le Vosa o le tagata, o kai mo inu, ti na lotou pati : Ko se tagata kai fakavale a ia ti ko se tagata inu kava a ia, ko se kaukau nea a ia o le kau popelikano mo le kakai mauli veli. Kae na fakasa le poto o le Atua e ana gaoi.

Uluaki tosi ki le kau Kolinto 5:11

Ko leinei, ko le nea leia kua kau tosi atu kia koutou, ke aua na kotou fakatasi mo se tasi leia e igoa ko se taina kae fai feauaki a ia, pe manumanu paaga, pe tausi taulaatua, pe nukinuki, pe inu kava, pe kaia tagata, ti ke aua foki na kotou kai mo se tagata fenaaki.

Uluaki tosi ki le kau Kolinto 6:10

mo le kau tagata fia fafine, mo le kau tagata fai tagata, mo le kau kaia, mo le kau manumanu koloa, mo le kau faakona, mo le kau lauveli, mo le kau kaia tagata, e leaise lotou ulu loa ki le puleaga o le Atua.

Kalate 5:21

mo le manumanu, mo le inu fakavale, mo le kai fakavale, mo nea fuli ala e tatau mo nea ana. E kau fakasa fakatomua atu kia koutou, ofaipe laku fakasa atu i mua, ko latou ala e fai ia a nea ana e leaise maua ia loa le Puleaga o le Atua.

Tetelonome 21:20

E la fakasa loa ki le kau fakamatuatua o lona kolo : ko leinei loma vosa, leia e patigataa ti e fakatutuu, leia e leaise fakalogo mai kia maua, leia e fai nea fakavale ti mo inu kava.

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.