Taagapati 23:11 - Tosi Tapu

¹¹ Talie e mafimafi lolatou fakamauli : E fakafesagai loa a ia kiate koe.

Taagapati 23:11 Iomraidhean Croise

Sopo 19:25

Kae e kau iloa e mauli loku fakamauli, Ti e tuu fakamuli ake loa a ia i le malama nei.

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 68:6

Ko le tamana o fanau sala matua, ko le tausi o fafine sala avaga, Ko le Atua i lona nofoaga maokioki.

Taagapati 22:23

Talie e puipui loa laua e le Eteleno, Ti e maumaui loa e ia le mauli o latou fuli ala e kaia ia laua.

Taagapati 23:12

Fakamavaa lou loto ki le akonaki, Ti mo ou taliga ki masau o le poto.

Selemia 51:36

Koia e folafola ai le Eteleno, o pati : Ko leinei, e kau puipui loa a koe, E kau totogi loa le veli leia na fai kiate koe ! E kau fakamalo loa le tai o Papilone, Ti e kau fakamasa loa lona matapuna vai.

Tetelonome 27:19

Ke malaia le tagata leia e fakasalai ia loa le fakamaau o se matapule, pe ko se fanau leia e sala tamana, pe ko se fafine leia e sala avaga ! Ti e pati loa le kakai katoa : Amene !