Taagapati 22:7 - Tosi Tapu

⁷ E pule le tagata mou koloa ki le kau mativa, Ti ko leia e too maua e popula ki leia na too maua ai.

Taagapati 22:7 Iomraidhean Croise

Lua tosi o Sau 4:1

Na tagi loa se fafine i avaga o vosa o le kau polofeta kia Eliseo, o pati : Kua mate loa lau tagata fakasausau, loku avaga, ti e ke iloa na i lau tagata fakasausau ki le Eteleno ; kae kua au le tagata tae maua ke too aku fanau e toka lua ti ke la popula kiate ia.

Taagapati 14:31

Ko le fakaveliveli o le tagata mativa ko le lauveli ki leia na fakatupu ia a ia, Kae ko le alofa ki leia e fakaaloalofa ko le fakamauiga o leia na fakatupu ia a ia.

Taagapati 18:23

E masau le tagata mativa o kolekole, Kae tali fakamakeke le tagata mou koloa.

Taagapati 22:16

Ko leia e fakamakeke ia le tagata mativa e fakatupu ia lona koloa, E tatau mo leia e soli ia ki le tagata mou koloa ke fakaasilisili ai lona mativa.

Taagapati 22:22

Aua na ke kaia le mativa o tupu ko lona mativa, Ti aua na ke fakamakeke leia e mamae i le matapa ;

Esaia 24:2

Ti kua fai fakatatau ki le tagata faisakilifisio mo le tagata noa, Ki le pule mo le tagata fakasausau, Ki le fafine aliki mo le fafine fakasausau, Ki leia e fakatau ia mo leia e totogi ia, Ki leia e soli maua mo leia e too maua.

Amosi 2:6

Koia e folafola ai le Eteleno, o pati : O tupu ko agaveli e tolu a Iselaele, E fa foki, e leaise kau toe fetogi loa laku fakatotonu, Talie na lotou fakatau le tagata agatonu ki se paaga, Ti mo le tagata mativa ki se sa taka.

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Amosi 8:4

Kotou fakalogo mai ki le nea leinei, koutou ala e kai ia le kau mativa, Ti e maumaui ia le kau fakaaloalofa o le fenua !

Amosi 8:6

Ti e motou totogi loa le kau fakaaloalofa ki se paaga Ti mo le tagata mativa ki se sa taka, Ti e motou fakatau loa le kili o le fulumeto.

Mateo 18:25

Na leaise maua e ia se nea leia ke ui ai lona maua, ti na fakatotonu loa e lona pule ke fakatau a ia, mo lona avaga, mo ana fanau, mo nea fuli ala na maua e ia, ke ui ai le maua.

Sakopo 2:6

Kae ko koutou, e kotou fakamamae le mativa ! Pe leaise ko le kau mou koloa leia e fakavelivelii ia koutou ti mo ave ia koutou ki telepinale ?

Sakopo 5:1

Kia koutou loa, kau mou koloa ! Kotou tagi mo lauga, o tupu ko malaia ala ka au loa kia koutou.

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.