Taagapati 22:4 - Tosi Tapu

⁴ Ko le fua o le fakataulalo, o le i ki le Eteleno, Ko le mou koloa, mo le kololia, mo le mauli.

Taagapati 22:4 Iomraidhean Croise

Taagapati 19:23

Ko le i ki le Eteleno e taki ia ki le mauli, Ki se mauli i le mou, o mamao i le malaia.

Taagapati 21:20

E maua ni koloa mauiga mo se kaloni i le nofoaga o le tagata poto ; Kae e folo e le tagata valea a nea ana.

Taagapati 21:21

Ko leia e afa fakamalotoloto ia le faitotonu mo le agamalie E maua ia le mauli, mo le faitotonu, mo le kololia.

Taagapati 22:3

E tio le tagata poto ki le veli ti e mumuni a ia ; Kae e fakafeofi ki ai le kau vale ti e lotou tautea ai.

Taagapati 22:5

E maua i le ala o le tagata patigataa ni laakau talatala, mo ni masele ; Ko leia e taupau ia lona laumalie e fakamamao i ai.

Taagapati 29:23

Ko le fia nealasi o se tagata e tuku ia a ia ki lalo, Kae ko leia e loto fakataulalo e maua ia le kololia.

Taagapati 3:16

I lona lima atamai e maua ai le mauli fualoa, I lona lima sema e maua ai le koloa ti mo le kololia.

Taagapati 31:30

E kaka le mata katakata, ti e vaiga le fulumalie ; Kae ko le fafine leia e i ki le Eteleno, ko ia leia e gali mo le fakavikiviki.

Esaia 33:6

E fimalie loa ou aso ; Ko le poto mo le iloa o le Eteleno ko se matapuna o le fakamauli ; Ko le i ki le Eteleno, Ko lena le koloa o Sione.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Taniela 4:36

I le temi lena, na toe au loa le atamai kiate au ; ti na toe soli mai loa kiate au le kololia o loku puleaga, mo loku mamalu, mo loku logologona. Na toe afa loa au e laku kau fono mo laku kau lalasi ; ti na toe fakanofo loa au ki loku puleaga, ti na asilisili lasi loa loku makeke.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Uluaki tosi kia Timoteo 4:8

Kae ke ke gaoi ki le aga fakaatua ; talie e aoga ikiiki a fai manogi fakatino, kae ko le aga fakaatua e aoga a ia ki nea fuli ai : e maua e ia le fakapapau o le mauli o le temi nei ti mo leia o le temi ka au.

Sakopo 4:10

Kotou fakataulalo i mua o le Aliki, ti e siki loa e ia koutou ki aluga.

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.