Taagapati 22:17 - Tosi Tapu

¹⁷ Tuku mai lou taliga, fakalogo mai ki masau a le kau poto ; Tokaga mai lou loto ki nea ala e kau iloa.

Taagapati 22:17 Iomraidhean Croise

Pesalemo 78:1

Katiko a Asafe. Ei loku kakai, fakalogo mai ki aku akonaki ! Tuku mai lou taliga ki masau o loku gutu !

Pesalemo 90:12

Ako matou ke motou iloa le lau omatou aso, O tupu ke motou maua se loto leia e poto.

Taagapati 1:3

Ke maua ai ni akonaki o le poto, Mo le agatonu, mo le faitotonu, ti mo le maoki ;

Taagapati 23:12

Fakamavaa lou loto ki le akonaki, Ti mo ou taliga ki masau o le poto.

Taagapati 24:23

Ko leinei foki le tasi a nea e au mei le kau poto : E leaise malie, i fakamaau, ke fakapalatasi ki se tagata.

Taagapati 3:1

Ei loku vosa, aua na galo aku akonaki iate koe, Ti ke taupau e lou loto aku pelesepeto ;

Ekelesiasi 12:11

O tupu na lasi ai le poto o le Ekelesiasi, na ako foki e ia le poto ki le kakai, ti na sivi e ia, mo ului loloto e ia, mo fakatuutuu e ia ni pati fakatata mauke.

Ekelesiasi 7:25

Na kau faiga loa i loku loto ke kau iloa, mo kau oono, ti mo kau afa le poto mo le uiga totonu o nea fuli ; ti na kau ako loa mei ai ko le valea le agaveli mo le sala atamai.

Ekelesiasi 8:16

I laku tuku loku loto ke iloa ia le poto ti mo tio ki nea fuli ala e soko i le kele, pe leaise moe foki a mata i le ao mo le pouli,

Ekelesiasi 8:9

Na kau tio ki nea fuli ana, ti na kau tuku loku loto ki gaoi fuli ala e fai i le lalo laa. E i ai se aso leia e pule ai le tagata ki le tagata ke fakamamae a ia.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !