Taagapati 22:12 - Tosi Tapu

¹² Ko mata o le Eteleno e puipui ia le poto, Kae e maumaui e ia a masau a le tagata agaveli.

Taagapati 22:12 Iomraidhean Croise

Lua tosi o Sau 6:9

Kae na kakau loa e le tagata a le Atua ke pati ki le sau o Iselaele : Tokaga ai ke aua na ke fakalaka i le ganea leia, talie kua ifo ki ai le kau Silia.

Lua tosi o Koloniko 16:9

Talie e taka a mata o le Eteleno i le malama nei katoa, o tupu ke tokoi kia latou ala e tuku katoa olatou loto kiate ia. I le nea lena, kua ke fai pe se vale, koia i le temi nei e ke maua ia loa ni tau.

Neemia 4:9

Na motou kole loa ki lomatou Atua, ti na motou fakatuu loa se leoleo i le ao mo le pouli, ke puipui ia matou mei alatou oso tau.

Taagapati 11:3

E taki le tagata agatonu e lona agatonu, Kae e maumaui le tagata agaveli e lana agaveli.

Taagapati 22:11

Ko leia e oli ki le mea o le loto, Ti e maua ia le kalasia i ona laugutu, e kaukau nea mo le sau.

Taagapati 22:13

E pati le tagata gasueveli : E i ai se laione i fafo ! E kai loa au i toleala !

Gaoi 5:39

kae kapau e au a ia mei le Atua, e leaise kotou mafai loa lona maumaui. Kotou tokaga ai na kotou tau ki le Atua i le nea leinei.

Lua tosi ki le kau Tesalonika 2:8

Ti ka oki a ia, e sa loa le tagata Agaveli, leia e tamate loa e le Aliki Sesu ki le tukumanava o lona gutu, ti mo maumaui loa ki le gigila o lana toe liliu mai.