Taagapati 22:11 - Tosi Tapu

¹¹ Ko leia e oli ki le mea o le loto, Ti e maua ia le kalasia i ona laugutu, e kaukau nea mo le sau.

Taagapati 22:11 Iomraidhean Croise

Uluaki tosi o Sau 4:5

Ko Asalia, vosa o Natane, na pule ki le kau kovana. Ko Sapute, vosa o Natane, na minisi lasi ti na tokoi ki le sau.

Esitele 10:3

Talie na olo le Sutea ko Maletoseo ki le sau ko Asuelusi. Na mauiga a ia ki mata o le kau Sutea, ti na alofa kiate ia le toka api o ona fetaina. Na afa loa e ia le malie o lona kakai, ti na masau loa a ia ki le fimalie o lona lanu.

Pesalemo 101:6

E tuku loa oku mata ki le kau agatonu o le fenua, O tupu ke lotou nonofo i oku tafa ; Ko leia e saele i se ala saosaoa e liliu loa ko laku tagata fakasausau.

Pesalemo 24:4

Ko leia e saosaoa ona lima ti e mea lona loto ; Ko leia e leaise tuku ia lona laumalie ki le loi, Ti e leaise fakapapau i le kaka.

Pesalemo 45:2

E mapunapuna ni masau fakalaukau i loku loto. E kau pati : E tuku laku gaoi ki le sau ! Ke fai loku alelo pe le peni a se tagata maau !

Taagapati 14:35

E fiafia le sau i le tagata fakasausau poto, Kae e vilo lona ita ki leia e fakalumaluma.

Taagapati 16:13

E fiafia le sau i laugutu faitotonu, Ti e alofa a ia ki leia e masau i le maoki.

Taagapati 22:12

Ko mata o le Eteleno e puipui ia le poto, Kae e maumaui e ia a masau a le tagata agaveli.

Ekelesiasi 10:12

E apele i le kalasia a masau mei le gutu o le tagata poto ; kae e maumaui e laugutu o le tagata valea a ia totonu.

Taniela 3:30

I le oki o le nea lena, na siki loa e le sau Satalake, mo Mesake, mo Apeteneko ki ni tuulaga mauiga i le fenua o Papilone.

Mateo 5:8

Manuia latou ala e loto mea, talie e lotou tio loa ki le Atua !

Luka 4:22

Ti na fakamaoki le kakai fuli kiate ia ; na lotou punamauli i folafola malilie ala na mavae mei lona gutu, ti na lotou pati : Pe leaise ko le vosa a ia o Sosefo ?