Taagapati 21:24 - Tosi Tapu

²⁴ Ko le tagata fia nealasi, mo le tagata fia taualuga, e gologolo ki nea fuli, Ti e sa lona fia nealasi i ana gaoi fuli.

Taagapati 21:24 Iomraidhean Croise

Pesalemo 1:1

Manuia le tagata leia e leaise saele o mulimuli ki le tokoi a le kau agaveli, Leia e leaise tuu i le ala o le kau agasala, Ti e leaise tonatona fakatasi mo le kau gologolo,

Taagapati 1:22

Ei kau vale, e kaku loa kiafea lakotou oli ki le valea ? E kaku loa kiafea le fiafia a le kau fakagologolo i le gologolo ? E kaku loa kiafea le vesia a le kau vale ki le poto ?

Taagapati 16:18

E muamua le fia nealasi i le maumau, Ti ko le loto fia masiki i le siga.

Taagapati 18:12

I mua o le maumau, e malaga ki aluga le loto o le tagata ; Kae e muamua le fakataulalo i le kololia.

Taagapati 19:29

E teuteu ni tautea ki le kau fia nealasi, Ti e teuteu le laakau ki le tua o le kau vale.

Taagapati 24:9

Ko manatu fuli a le vale e agasala, Ti e fakalialia le tagata gologolo ki le kakai.

Taagapati 3:34

E gologolo a ia kia latou ala e gologolo kiate ia, Kae e soli e ia le kalasia kia latou ala e agamalu.

Taagapati 6:17

Ko mata ala e fia nealasi, mo le alelo leia e loi, Mo lima ala e liligi ia le toto saosaoa,

Esaia 16:6

Kua motou logo ki le laukau o Moape, Ki lona nekenekea mo lona fia taualuga, Ki lona matasoka mo ana masau vaiga.

Esaia 29:20

Talie e puli loa le tagata agamakeke, ti e gato loa le tagata gologolo, Ti e tamate loa latou fuli ala na lalama ke fai ia le agaveli,

Selemia 48:29

E motou iloa le fia nealasi o Moape fulumalie, Mo lona fia taualuga, mo lona nekenekea, mo lona matasoka, mo lona fia aliki.

Apakuki 2:5

Tatau mo leia e kona mo matasoka, E leaise mafai ke fimalie le tagata fia nealasi ; E fakamavaa laulasi e ia lona gutu ofaipe le nofoaga o le kau mate, E leaise makona a ia i se temi ofaipe le mate, E aumai e ia kiate ia atu puleaga fuli, E fakatasi e ia ki ona tafa a kakai fuli.

Mateo 2:16

Ko Elote, i lana tio kua manogii a ia e le kau masi, na itaita lasi ai, ti na fakatotonu loa e ia ke tamate a toe tagata liliki fuli kua fetuu lua o ifo ki lalo, ala na nonofo i Peteleemi ti mo fenua fuli i ona tafatafa, o mulimuli ki le aso leia na afaafa logo ai a ia ki le kau masi.