Taagapati 21:14 - Tosi Tapu

¹⁴ Ko se nea alofa leia e fai fakafufu e fakafimalie ia le ita, Ti ko se moliga leia e fai fakafufu e fakafimalie ia le ita veli.

Taagapati 21:14 Iomraidhean Croise

Senesi 32:20

Ti e kotou toe pati loa : Ko leinei lau tagata fakasausau ko Sakopo e au i omatou muli. Talie na pati loa Sakopo : E kau fakafimalie loa lona loto ki le moliga lena e ave i oku mua. Ti ka kau tio loa ki ona mata, e lagi tali malie loa e ia au.

Senesi 43:11

Na pati loa lolatou tamana ko Iselaele kia latou : Ko lena e maua ke felaaki, ke kotou fai loa le nea leinei : Kotou fafao loa ki akoutou taga ni fua malilie o le fenua, ke kotou fai ai se moliga ki le tagata lena : kotou too ni kaloni, mo se meli, mo ni nea fakamanogi, mo se mila, mo ni fuai pinati, ti mo ni fuai amatie.

Taagapati 17:23

Ko le tagata agaveli e tali fakafufu ia ni nea alofa Ke fetogi ai a ala o le faitotonu.

Taagapati 17:8

E tatau nea alofa mo se fatu mauiga ki mata o leia e maua ia a ia ; I potu fuli e maliu ki ai e manuia a ia.

Taagapati 18:16

Ko nea alofa a se tagata e fakalaulasi ia le ala kiate ia, Ti e fakamavaa ia kiate ia le ala ki tafa o le kau lalasi.

Taagapati 19:6

E toka api latou ala e vikiviki ia le tagata mauiga, Ti e fakakaukaunea tagata fuli ki le leia e solisoli.

Uluaki tosi a Samuele 25:35

Ti na too loa e Tavite mei le lima o Apikaile a nea fuli ala na aumai e ia, o pati kiate ia : Pale i le tokamalie ki lou kaiga ; ke ke tio, kua kau fakalogo ki lou leo ti kua kau tali malie a koe.