Taagapati 21:13 - Tosi Tapu

¹³ Ko leia e tapono ia lona taliga ki le kalaga a le tagata mativa, E kalaga loa a ia totonu, kae e leaise maua loa e ia se tali.

Taagapati 21:13 Iomraidhean Croise

Neemia 5:13

Ti na kau tutuui loa loku taupulupulu, o pati : Ke tuui feneeki loa e le Atua a tagata fuli mei lona fale mo ona koloa, leia e leaise fai loa ki le nea kua pati ki ai, ke tuui feneeki a ia, ti ke nofo mativa a ia ! Ti na pati loa le fakatasiga katoa : Amene ! Na lotou fakafetai loa ki le Eteleno, ti na fai loa e le kakai o mulimuli ki lalatou fakapapau.

Sopo 29:12

Talie e kau saofaki le mativa leia e kole mai ke mauli, Mo le toe sala matua leia e leai sona fanakiaga.

Pesalemo 18:41

E ke fakasosola oku fili i oku mua, Ti e kau tapono a gutu o latou ala e vesia kiate au.

Pesalemo 58:4

E fakalialia le kau agaveli mei le manava o olatou tinana ; E sese le kau gutu loiloi mei lolatou vilo i le manava o olatou tinana.

Taagapati 1:28

I le aso lena e lotou kalaga loa kiate au, kae e leaise kau tali loa ; E lotou afa loa au, kae e leaise lotou maua loa au ;

Taagapati 28:27

Ko leia e solisoli ki le mativa e leaise puli se nea iate ia ; Kae ko leia e tapono ia ona mata ki le mativa e mafaia i malaia.

Mateo 6:14

Kapau e kotou fakamolemole ki tagata alatou agasala, e toe fakamolemole loa e lokoutou Tamana i Selo kia koutou foki ;

Mateo 7:2

Talie e fakamaui loa koutou ki le fakamaau leia na kotou fai, ti e fuafua loa koutou ki le fua leia na kotou fakaaoga.

Luka 13:25

Ka tuu loa le pule o le fale, o tapono le matapa, ti ko koutou, ala e tutuu loa i fafo, e fitifiti loa i le matapa, o pati : Aliki, Aliki, fakamavaa mai kia matou ! E tali atu loa a ia kia koutou : E leaise kau iloa pe ko koutou meifea !

Gaoi 7:57

Ti na lotou kalaga loa o leo lasi, mo tapono olatou taliga, o feoso fakatasi fuli kiate ia,

Uluaki tosi a Soane 3:17

Kapau e maua e se tasi a koloa o le malama nei, ti na tio a ia ki le mativa o lona taina, kae na tapono e ia ona tootooga kiate ia, e feaki ke nofo iate ia le alofa ki le Atua ?