Taagapati 21:1 - Tosi Tapu

¹ Ko le loto o le sau ko se vaitafe i le lima o le Eteleno ; E fulusi e ia a ia ki ganea fuli e loto a ia ki ai.

Taagapati 21:1 Iomraidhean Croise

Lua tosi o Sau 19:33

E toe liliu loa a ia i le ala leia na au ai, Ti e leaise ulu loa a ia ki le kolo leinei, ko le folafola leinei a le Eteleno.

Esetalasi 1:1

I le uluaki fetuu o Silusi, sau o Pelesi, na fakasoko loa e le Eteleno le folafola leia na fakasa e le polofeta ko Selemia. Na fafagu loa e le Eteleno le laumalie o Silusi, sau o Pelesi, leia na fakasa ia loa mo fai ia loa le tosi leinei i lona puleaga katoa :

Esetalasi 1:2

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le malama nei, ti kua fakatotonu mai e ia kiate au ke fakatuu kiate ia se fale i Selusalemi i Suta.

Esetalasi 6:22

Na lotou fakamanatu loa i le fiafia le aso o pane sala fakatupu i ni aso e fitu, talie na tuku e le Eteleno le fiafia ki olatou loto i lana soli le loto malie ki le sau o Asilia ke tokoi kia latou i le gaoi o le fale o le Atua o Iselaele.

Neemia 1:11

Ei Aliki, ke tokaga mai lou taliga ki le kole a lau tagata fakasausau, ti mo le kole a au tagata fakasausau ala e loto ke i ki lou suafa ! Tapuaki i le aso nei lau tagata fakasausau, o ke tuku ke maua e ia se manava alofa i mua o le tagata leinei ! I le temi aia na kau pule ki le vino a le sau.

Neemia 2:4

Ti na pati mai loa le sau kiate au : Kolea e ke kole ? Na kau faikole i le temi lena ki le Atua o le atu lagi,

Neemia 2:8

ti mo se tosi kia Asafe, leia e pule ki vaomatua a le sau, o tupu ke aumai e ia se laakau ke fai ai a matapa o le fale leia e ofi ki le fale tapu, mo paa o le kolo, ti mo le fale leia e kau nofo ai loa. Na tuku mai loa e le sau a tosi ana kiate au, talie na iate au le lima malie o loku Atua.

Esitele 2:17

Na mamana lasi loa le sau kia Esitele o lasi ake i la ake fafine fuli, ti na maua loa e ia le kalasia mo le alofa i mua o le sau o lasi ake i la ake taineliki fuli. Na teki loa e ia le pala fakasau ki le ulu o Esitele, ti na fakanofo loa e ia Esitele ko le fafine sau o fetogi Vaseti.

Pesalemo 105:25

Na fetogi loa e ia olatou loto, o lotou vesia loa ki lona kakai, ti na lotou fai fakakaka loa ki ana tagata fakasausau.

Pesalemo 106:46

Ti na fakatupu loa e ia le manava alofa i loto o latou ala na fakapopula ia latou.

Pesalemo 114:3

Na tio loa ki ai le tai, ti na sola loa a ia : Na toe liliu loa le Solotane ki muli ;

Pesalemo 114:5

Kolea kua soko kiate koe, ei tai, ke ke sola ai ? Kolea kua ke toe liliu ai ki muli, ei Solotane ?

Pesalemo 74:15

Na ke fakatafe ni matapuna vai mo ni liua, Na ke fakamalo ni vaitafe ala na leaise mafai ke mamasa.

Pesalemo 93:4

Ko le Eteleno e mafimafi i le atu lagi, O lasi ake i le leo o vai lalasi mo makeke, I piau itaita o le tai.

Ekesote 7:3

Ti ko au, e kau fakafefeka loa le loto o Falaone, ti e kau liuliuga loa aku fakamailoga mo aku milakulo i le fenua o Esipito.

Taagapati 16:1

Ko fakatuutuu ala e fai e le loto e fakalogo ki le tagata, Kae ko le tali leia e tuku e le gutu e au mei le Eteleno.

Taagapati 16:9

E fakakaukau le loto o le tagata ki lona ala, Kae ko le Eteleno leia e taki ia ona lakaaga.

Taagapati 20:24

Ko le Eteleno leia e taki ia lakaaga o le tagata, Kae ko le tagata, pe mafai ke iloa e ia lona ala ?

Esaia 43:19

Ko leinei, e kau fai loa se nea foou, leia kua vave soko fua : Pe leaise kotou tio mata loa ki ai ? E kau tofa loa se ala i le toafa, Ti mo ni vaitafe lalasi i le potu lavaki.

Esaia 44:27

E kau pati ki le vanu loloto : Ke ke malo, E kau fakamasa loa ou vaitafe.

Selemia 39:12

Too a ia, tokaga kiate ia, aua na ke fai kiate ia se nea veli, kae fai kiate ia o mulimuli ki lona loto.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Gaoi 7:10

Kae na nofo loa le Atua mo Sosefo, o saofaki a ia i ona mamae fuli ; na soli loa e ia kia Sosefo le poto mo le kalasia i mua o Falaone, sau o Esipito, leia na fakanofo ia loa a ia ke kovana i Esipito, ti mo lona fale katoa.

Apokalipisi 16:12

Ti na liligi loa e le ono aselo lana ipu ki le vaitafe lasi ko le Eufalate. Ti na masa loa lona vai, ke teuteui ai le ala ki sau ala e au mei le sopoaga o le laa.

Apokalipisi 16:4

Ti na liligi loa e le tolu aselo lana ipu ki vaitafe mo matapuna vai. Ti na lotou liliu loa o toto.