Taagapati 20:7 - Tosi Tapu

⁷ E saele le tagata agatonu i lona faitotonu ; Manuia ana fanau i ona muli !

Taagapati 20:7 Iomraidhean Croise

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Sopo 1:1

Na i ai se tagata i le fenua ko Usi leia na igoa ko Sopo. Ti na saosaoa mo agatonu le tagata lena ; ti na i a ia ki le Atua, ti na fakamamao a ia mei le veli.

Pesalemo 112:2

E makeke loa lona sakoga i le malama nei, E tapuakina loa le tautupu o tagata agatonu.

Pesalemo 15:2

Ko leia e saele i le agatonu, leia e gaoi i le maokioki, Ti e masau i le maoki i lona loto ;

Pesalemo 26:1

Pesalemo a Tavite. Eteleno, fakamaau au i le faitotonu, talie e kau saele i le maoki, E kau fanaki ki le Eteleno, koia e leaise kau siga ai.

Pesalemo 26:11

Ko au, e kau saele i le agatonu. Ke ke fakamauli au, ti ke ke alofa mai kiate au !

Pesalemo 37:26

I aso fuli e manava alofa, ti e kai solisoli a ia ; Ti e manuia lona sakoga.

Taagapati 13:22

E tuku e le tagata agamalie se tofiga ki fanau o ana fanau, Kae na tanaki a koloa o le tagata agasala ki le tagata agatonu.

Taagapati 14:2

Ko leia e saele i le maoki e i ki le Eteleno, Kae ko leia e saele i ni ala pikopiko e vesia kiate ia.

Taagapati 14:26

Ko leia e i ki le Eteleno e maua ia se fanakiaga makeke, Ti e maua e ana fanau se mumuniaga i ona tafa.

Taagapati 19:1

E malie ake le tagata mativa leia e saele i le maoki, I le tagata leia e maua ia ni laugutu veli ti e valea.

Esaia 33:15

Ko le tagata leia e saele i le faitotonu, Ti e masau i le maoki, Leia e vesia ki se totogi o le fakamakeke, Leia e tata ona lima ke aua na tali se nea alofa, Leia e tapono ona taliga ke aua na logo ki ni masau o le toto, Leia e sai ona mata ke aua na tio ki le veli,

Selemia 32:39

E kau soli loa kia latou se loto e tasi, mo se ala e tasi, O tupu ke lotou i tuumau kiate au, Ti ke lotou manuia ai, ti ke manuia ai foki alatou fanau i olatou muli.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.