Taagapati 20:6 - Tosi Tapu

⁶ E toka api latou ala e fakasa ia lolatou agamalie ; Kae ko se tagata agatonu, ko ai e maua ia loa a ia ?

Taagapati 20:6 Iomraidhean Croise

Pesalemo 12:1

Ki le pule o le kau sua. I le alepe va valu. Pesalemo a Tavite.

Pesalemo 12:2

Eteleno, ke ke fakamauli ! talie kua pupuli latou e alofa ki le Atua, Kua lavaki a tagata agatonu i vosa o tagata.

Taagapati 20:5

Ko fakatuutuu i le loto o le tagata ko ni vai loloto, Kae e iloa e le tagata atamai le asu o le vai mei ai.

Taagapati 25:14

Ofaipe ni ao mo se matagi sala ua, E fenaaki le tagata leia e fakakololia i lana solisoli loi.

Taagapati 27:2

Tuku ke vikiviki a koe e se tasi kese, kae aua e lou gutu totonu, E se matapule, kae aua e ou laugutu totonu.

Ekelesiasi 7:28

Ti ko leinei le nea leia koi lolotoga afa e loku laumalie, ti na leaise kau maua. Na kau maua se tagata e toka tasi i le tino afe ; kae na leaise kau maua se fafine e toka tasi ia latou fuli.

Selemia 5:1

Kotou foli i ala o Selusalemi, Kotou tio, kotou iloa, kotou afa i nofoaga fakafenua, Pe nofo i ai se tagata, pe i ai se tasi Leia e fai ia le faitotonu, leia e pipiki ki le maoki, Ti e kau fakamolemole loa ki Selusalemi.

Mikea 7:1

Malaia kiate au ! talie kua kau fai pe se tagata leia e ano o afa ni fuai laakau i le oki o le tau kai, Leia e ano o afa ni fui vite i le oki o le tau o le vite : E leaise maua e ia se fui vite ke kai, pe ko se fa fiki suamalie leia e manako ki ai lona laumalie.

Mikea 7:2

Kua puli le tagata agamalie i le fenua, Ti e leaise koi i ai se tagata agatonu i lotolotoga o tagata ; Kua lotou mumuni fuli o lamalama ke liligi le toto, Kua tasi fai e le tagata se masele ki lona taina.

Mateo 6:2

Koia ka ke soli ia se nea, aua na ke pupusi le fakatagi i ou mua, ofaipe le fai e le kau malualoi i sinakoka ti mo ala, o tupu ke viki ai latou e tagata. E kau pati maokioki atu kia koutou, kua lotou maua lolatou fakapale.

Luka 18:11

Na tuu le faliseo i aluga, ti na faikole a ia i lona loto, o pati : Ei Atua, e kau fakafetai kiate koe talie e leaise kau faipe tagata fuli : e lotou kaia, mo agaveli, ti mo tono ; ti e leaise kau fai foki pe le popelikano leinei :

Luka 18:28

Na tali loa Petelo : Ko leinei, kua motou tuku a nea fuli kae motou muli iate koe.

Luka 18:8

E kau fakasa atu kia koutou, e faitotonu vave loa a ia kia latou. Kae, ka au loa le Vosa o le tagata, pe maua loa e ia le tui i le malama nei ?

Luka 22:33

Na pati loa Petelo kiate ia : Aliki, e kau teuteu ke kau ano mo koe ki le pilisoni ti mo le mate.

Soane 1:47

I le tio a Sesu kia Natanaele e au kiate ia, na pati loa a ia kiate ia : Ko leinei se Iselaele maoki, leia e leaise maua fua i ai se fai kaka.

Lua tosi ki le kau Kolinto 12:11

Kua kau valea : Na kotou eke au ke kau fenaaki. Ko kotou ala na tonu ke puipui ia au, talie na leaise kau taulalo fua i se nea i apositolo lalasi, logo ai e leai soku uiga.