Taagapati 20:22 - Tosi Tapu

²² Aua na ke pati : E kau liufaki loa le veli. Fanaki ki le Eteleno, ti e saofaki loa e ia a koe.

Taagapati 20:22 Iomraidhean Croise

Lua tosi a Samuele 16:12

E lagi tio loa le Eteleno ki loku fakaaloalofa, ti e fai loa e ia kiate au le nea e malie o fetogi ai loku fakamalaia i le aso nei.

Pesalemo 27:14

Ke ke amanaki malie ki le Eteleno ! Ke ke fakamakeke, ti ke fakamakeke lou loto ! Ke ke amanaki malie ki le Eteleno !

Pesalemo 37:34

Ke ke amanaki malie ki le Eteleno, ti ke ke tausi lona ala, Ti e siki loa e ia a koe o tupu ke ke maua le fenua ; E ke tio loa e motusi le kau agaveli.

Pesalemo 37:40

E tokoi le Eteleno kia latou, ti e fakamauli e ia latou. E saofaki e ia latou i le kau agaveli, ti e fakamauli e ia latou, Talie e lotou afa lolatou mumuniaga iate ia.

Taagapati 17:13

Ko leia e totogi ia le malie ki le veli, E leaise toe mavae loa le veli i lona fale.

Taagapati 19:11

Ko le tagata leia e poto e leaise itaita vave, Ti e maua e ia lona kololia i le fakamolemole ki veli ala na fai ake kiate ia.

Taagapati 20:21

Ko le tofiga leia na maua vave i le kamataaga, E leaise tapuakina loa i le fakaoki.

Taagapati 24:29

Aua na ke pati : E kau fai loa kiate ia ofaipe lana fai mai kiate au, E kau liufaki loa kiate ia o mulimuli ki ana gaoi.

Esaia 40:31

Kae ko latou ala e fanaki ki le Eteleno e fakafoou lolatou makeke. E lotou toe malaga ki aluga o lele pe ni akuila ; E lotou makape, kae e leaise lotou kaekae ; E lotou saele, kae e leaise lotou gaegae.

Levitiko 19:18

Aua na ke taui veli loa, ti aua na ke taofi loa se kona i lou loto ki fanau o lou kakai. E ke alofa loa ki lou oloi ofaipe koe totonu. Ko au ko le Eteleno.

Mateo 5:39

Kae ko au, e kau pati atu kia koutou ke aua na kotou fakatutuu ki le tagata agaveli. Kapau e paai a koe e se tasi i lou kalaafau atamai, tuku ake kiate ia mo leia ake kalaafau.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Uluaki tosi ki le kau Tesalonika 5:15

Kotou tokaga ke aua na totogi e se tasi le veli ki le veli, kae ke kotou afa tuumau le malie i okoutou vasaa ti mo tagata fuli.

Uluaki tosi a Petelo 2:23

a ia leia na nukinukii, kae na leaise tali fua a ia ki se nukinuki, ti na fakavelivelii kae na leaise fai e ia se tali fakamakeke, kae na fakalogo fai a ia ki leia e fakamaaui i le faitotonu ;

Uluaki tosi a Petelo 3:9

Aua na kotou totogi le veli ki le veli, pe ko le lauveli ki le lauveli, kae ke kotou tapuaki, talie kua kalagai koutou ki ai, o tupu ke kotou mau tofiga le tapuakina.

Uluaki tosi a Petelo 4:19

Koia, ko latou ala e mamae o mulimuli ki le finegalo o le Atua, ke lotou tuku lolatou laumalie ki le Tupuaga leia e agatonu ki ana fakapapau, o fai le nea leia e malie.

Uluaki tosi a Samuele 25:13

Ti na pati loa Tavite ki lana kakai : Ke kotou tasi too lana seleta ! Ti na lotou tasi tui loa lana seleta ki lona kilii pipi. Na tui foki e Tavite lana seleta, ti na pale loa a tino lelau e fa mo ia. Kae na nonofo loa a tino lelau e lua o leoleo a kavega.