Taagapati 20:1 - Tosi Tapu

¹ E gologolo le vino, ti e logoa a kava makeke ; Ko leia e fakavalevale ki ai e leaise poto.

Taagapati 20:1 Iomraidhean Croise

Lua tosi a Samuele 11:13

Ti na fakaafe loa e Tavite a Uli ke nake o kai, mo inu mo ia, ti na fakainu loa a ia e Tavite o kona ; i le afiafi, na mavae loa Uli ke moe i lona moeaga, mo tagata fakasausau o lona pule, ti na leaise ifo loa a ia ki lona kaiga.

Lua tosi a Samuele 13:28

Na tuku loa e Apesalone le fakatotonu leinei ki ana tagata fakasausau : Kotou tokaga i le temi leia e kona ai loa Amone ti e kau pati atu ai loa kia koutou : Kotou taai Amone ! Ti kotou tamate loa a ia, aua na kotou i ki se nea, pe leaise ko au leia kua fakatotonu ia atu a ia kia koutou ? Ke kotou loto toa ti ke kotou fakasa lokoutou loto makeke !

Taagapati 23:20

Ke aua na ke kau i le kau inu vino, Ia latou ala e kai fakavale ki inati :

Taagapati 31:4

Taofi totonu le nea leinei, Lemuele ! E leaise gali mo sau le inu vino, E leaise gali mo aliki le inu o kava makeke,

Esaia 28:7

Kae ko latou foki, kua lotou sisiga i le vino, Ti kua lotou ninimo o tupu ko kava makeke ; Kua sisiga a tagata faisakilifisio mo polofeta i kava makeke, Kua pule le vino kia latou ; Kua lotou maua ni ninimo o tupu ko kava makeke ; Kua lotou sisiga i le faikikite, Kua lotou matuletule i le fai fakamaau.

Esaia 5:11

Malaia kia latou ala e makape usuusu o afa ni kava makeke, Ti e fakaoki tausala lalatou inu vino i le pouli !

Esaia 5:22

Malaia kia latou ala e makeke i le inu vino, Ti e fia tagata i le filo o kava makeke ;

Esaia 56:12

Kotou au, e kau ano nei o afa mai se vino, Ti e tou inu loa ni kava makeke ! I le aso nei o tatau mo apogipogi, Talie e lasi a nea inu !

Oseo 4:11

E fakatupu ulu vale le faifeauaki, mo le vino, mo le kava.

Oseo 7:5

I le aso o lomatou sau, E masasaki a pule i le fakavalevale ki le vino ; E falo e le sau lona lima ki le kau gologolo.

Levitiko 10:9

Aua na ke inu loa se vino, pe ko se kava, e koe mo ou vosa, i mua o lakotou ulu ki le falela tapu, ti e leaise kotou mamate loa : e kotou tausi loa le lao lena, e koutou mo akoutou fanau i temi fuli.

Apakuki 2:5

Tatau mo leia e kona mo matasoka, E leaise mafai ke fimalie le tagata fia nealasi ; E fakamavaa laulasi e ia lona gutu ofaipe le nofoaga o le kau mate, E leaise makona a ia i se temi ofaipe le mate, E aumai e ia kiate ia atu puleaga fuli, E fakatasi e ia ki ona tafa a kakai fuli.

Uluaki tosi ki le kau Kolinto 6:10

mo le kau tagata fia fafine, mo le kau tagata fai tagata, mo le kau kaia, mo le kau manumanu koloa, mo le kau faakona, mo le kau lauveli, mo le kau kaia tagata, e leaise lotou ulu loa ki le puleaga o le Atua.

Kalate 5:21

mo le manumanu, mo le inu fakavale, mo le kai fakavale, mo nea fuli ala e tatau mo nea ana. E kau fakasa fakatomua atu kia koutou, ofaipe laku fakasa atu i mua, ko latou ala e fai ia a nea ana e leaise maua ia loa le Puleaga o le Atua.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.