Taagapati 2:4 - Tosi Tapu

⁴ Kapau e ke afa le poto ofaipe le paaga, Kapau e ke tuli a ia ofaipe se koloa fakafufu,

Taagapati 2:4 Iomraidhean Croise

Senesi 26:32

I le aso totonu lena, na kaku ake loa ni tagata fakasausau a Isaake, o masau kiate ia ki le sosoni leia na lotou kenu, ti na lotou pati loa : Kua motou maua se vai.

Sopo 3:21

Kia latou ala e oli ki le mate, Kae noa a ia, ti e lasi ake lalatou afa ki ai i lalatou afa ki se koloa fufu,

Pesalemo 119:127

Koia e kau alofa ai ki au fakatotonu, O lasi ake i le aulo, i le aulo mea.

Pesalemo 119:14

E kau fiafia i le mulimuli ki au pelesepeto, O sakinake kua kau maua a koloa fuli.

Pesalemo 119:72

E malie ake kiate au le lao o lou gutu I ni nea aulo mo paaga e afe.

Pesalemo 19:10

E mea le i ki le Eteleno, e tuu a ia o lee gato. E maoki fakamaau a le Eteleno, e lotou totonu fuli.

Taagapati 16:16

E mauiga ake le maua o le poto i le aulo ! E malie ake le maua o le atamai i le paaga.

Taagapati 2:3

Io, kapau e ke kole le poto, Ti kapau e kalaga lou leo ki le atamai,

Taagapati 23:23

Totogi le maoki, ti aua na ke fakatau a ia, Mo le poto, mo le akonaki, ti mo le atamai.

Taagapati 4:7

Ko leinei le kamataaga o le poto : Faiga ki le poto, Ti ki nea fuli e ke maua, faiga ki le atamai.

Taagapati 8:17

E kau alofa kia latou ala e alofa kiate au, Ti e kau maua e latou ala e afa ia au.

Ekelesiasi 4:8

Ko leinei se tagata leia na toka tasi malie, ti na leaise se maua sona kaukau nea, pe ko sona vosa, pe ko sona taina, kae na leaise se toe oki lana gaoi, ti na leaise toe makona ona mata i ona koloa i se aso, logo ai e pati a ia : E kau gaoi nei ma ai, ti e kau taofi le fiafia ki loku laumalie o tupu ko ai ? Ko se tasi foki a ia vaiga mo se tasi nea veli.

Mateo 13:44

E toe fakatatau foki le Puleaga o le atu lagi ki se koloa leia na fufu i se faigasaga. Ko le tagata leia na maua ia a ia e toe fufu ia a ia ; ti e i lona fiafia, e ano loa a ia o fakatau ana nea fuli ala na maua e ia, ke totogi ai le faigasaga lena.

Mateo 19:29

Ti ko leia e tuku ia loa, o tupu ko loku suafa, ona fetaina, mo ona tuagaane, mo lona tamana, mo lona tinana, mo lona avaga, mo ana fanau, mo ona kele, mo ona fale, e maua loa e ia o liuga kau lelau, ti e maua tofiga loa e ia le mauli lee gato.

Luka 16:8

Na vikiviki loa e le pule le tagata taupau koloa lee agatonu lena, i lona poto i le fai o ni puleaki kaka. Talie e poto ake a fanau o le sekulo leinei i le fai koloa mo olatou tautagata i fanau o le malama.