Taagapati 19:23 - Tosi Tapu

²³ Ko le i ki le Eteleno e taki ia ki le mauli, Ki se mauli i le mou, o mamao i le malaia.

Taagapati 19:23 Iomraidhean Croise

Pesalemo 103:17

Kae e lee gato le agamalie o le Eteleno kia latou ala e i kiate ia, Ti mo lona manava alofa ki fanau o alatou fanau,

Pesalemo 19:9

E totonu fakatotonu a le Eteleno, e lotou fakafiafia ia le loto. E mea lao a le Eteleno, e lotou fakamalama ia a mata.

Pesalemo 25:13

E malolo loa lona laumalie i le manuia, Ti e maua loa e lona sakoga le fenua.

Pesalemo 85:9

E kau fakalogo loa ki le nea leia e pati loa ki ai le Atua, le Eteleno ; Talie e masau a ia ki le tokamalie ki lona kakai mo lana kau agatonu, O tupu ke aua na lotou toe vilo ki valea.

Pesalemo 90:14

Fagai matou ke makona i usu fuli ki lou agamalie, Ti e motou nofo loa i lomatou mauli katoa i le fiafia mo le nekenekea.

Pesalemo 91:10

E leaise soko loa se veli kiate koe, E leaise fakafeofi loa se malaia ki lou falela.

Pesalemo 91:16

E kau fakamakona loa a ia i se mauli fualoa, Ti e kau fakatio loa a ia ki loku fakamauli.

Taagapati 10:27

Ko le i ki le Eteleno e fakalasi ia a aso, Kae e fakatoetoe a fetuu o le kau agaveli.

Taagapati 11:19

Ko le faitotonu e taki ia ki le mauli, Kae ko leia e muli i le veli e maua ia le mate.

Taagapati 12:21

E leaise soko se malaia ki le tagata agatonu, Kae e fakaapele loa ki malaia le kau agasala.

Taagapati 19:22

Ko le nea leia e fakatupu ia le fulumalie o se tagata ko lona agamalie ; Ti e malie ake se tagata mativa i se tagata gutu loiloi.

Taagapati 22:4

Ko le fua o le fakataulalo, o le i ki le Eteleno, Ko le mou koloa, mo le kololia, mo le mauli.

Taagapati 3:24

Kapau e ke moe, e leaise ke tuania loa se nea ; Ti ka ke moe mate, e ano malie loa lau moe.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Mateo 5:6

Manuia latou ala e fia kai mo fia inu ki le faitotonu, talie e lotou makokona loa !

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Loma 8:28

Ti e tou iloa e gaoi a nea fuli ki le malie o latou e alofa ki le Atua, o latou kua kalagai o mulimuli ki lana fakatuutuu.

Uluaki tosi kia Timoteo 4:8

Kae ke ke gaoi ki le aga fakaatua ; talie e aoga ikiiki a fai manogi fakatino, kae ko le aga fakaatua e aoga a ia ki nea fuli ai : e maua e ia le fakapapau o le mauli o le temi nei ti mo leia o le temi ka au.

Lua tosi kia Timoteo 4:18

Ti e saofaki loa au e le Aliki mei gaoi veveli fuli, ti e fakamauli loa e ia au, o fakaulu ki lona puleaga i le lagi. Kiate ia le kololia i sekulo mo sekulo ! Amene !