Taagapati 19:16 - Tosi Tapu

¹⁶ Ko le tagata leia e tausi ia le fakatotonu e tausi ia lona laumalie ; Kae ko leia e leaise tokaga ki lona ala e mate loa.

Taagapati 19:16 Iomraidhean Croise

Sopo 5:2

E tamate le tagata lee fakakaukau e lona ita, Ti e mate le tagata valea i le veli o lona ita.

Pesalemo 103:18

Kia latou ala e tausi ia lana sai, Ti e manatu ki ana folafola ke fai latou.

Taagapati 13:13

Ko leia e vesia ki le folafola e puli noa, Kae ko leia e i ki le pelesepeto e fakapale.

Taagapati 15:32

Ko leia e tiaki ia le akonaki e vesia ki lona laumalie, Kae ko leia e fakalogo ki le akonaki e maua ia le atamai.

Taagapati 16:17

Ko le ala o le kau agatonu, ko le tiaki o le veli ; Ko leia e taupau ki lona laumalie e tokaga ki lona ala.

Taagapati 21:16

Ko le tagata leia e mavae i le ala o le poto E malolo loa i le fakatasiga o le kau mate.

Taagapati 21:23

Ko leia e tokaga ki lona gutu mo lona alelo E taupau ia lona laumalie i mamae.

Taagapati 22:5

E maua i le ala o le tagata patigataa ni laakau talatala, mo ni masele ; Ko leia e taupau ia lona laumalie e fakamamao i ai.

Taagapati 29:18

Ka e leaise i ai se folafola kikite mei le Atua, e mauli fakavale le kakai ; Manuia le kakai leia e tausi ia le lao a le Eteleno !

Taagapati 3:1

Ei loku vosa, aua na galo aku akonaki iate koe, Ti ke taupau e lou loto aku pelesepeto ;

Ekelesiasi 12:13

E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

Ekelesiasi 8:5

Ko leia e fai ia le folafola e leaise iloa loa e ia se nea veli. Ti e iloa e le tagata poto le temi mo le fakamaau.

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Esekiele 33:5

Talie na logo a ia ki le tagi o le fakatagi pupusi, kae na leaise tui a ia, ti e vilo loa lona toto kiate ia ; kae kapau e tui loa a ia, e saofaki loa e ia lona laumalie.

Mateo 16:26

Ti kolea lona aoga ki se tagata ke maua e ia le malama nei katoa, kae e puli noa lona laumalie ? pe kolea e soli loa e se tagata ke totogi ai lona laumalie ?

Luka 10:28

Na pati loa Sesu kiate ia : Kua ke tali totonu, fai a ia, ti e ke mauli loa.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Soane 14:15

Kapau e kotou alofa kiate au, kotou fai aku fakatotonu.

Uluaki tosi ki le kau Kolinto 7:19

Ko le nea noa le silikosisio, ti ko le nea noa le lee silikosisio, kae ko le nea leia e mauiga ko le fakalogo ki fakatotonu a le Atua.

Uluaki tosi a Soane 3:22

Ti ko se nea fua leia e tou kole, e tou maua a ia meiate ia, talie e tou fai ana fakatotonu, ti e tou fai le nea leia e malie kiate ia.

Uluaki tosi a Soane 5:3

Talie ko leinei le alofa ki le Atua, ko le fai o ana fakatotonu ; ti e leaise faigataa ana fakatotonu kia tatou,

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !