Taagapati 19:12 - Tosi Tapu

¹² Ko le ita o le sau e faipe le gugulu o le laione, Ti ko lona agamalie e faipe le sese i le mutie.

Taagapati 19:12 Iomraidhean Croise

Senesi 27:28

Ke tuku e le Atua kiate koe le sasau o le lagi, Mo le gako o le kele, Mo le fulumeto, ti mo le vino o lasi ai !

Lua tosi a Samuele 23:4

E tatau a ia mo le malama o le usu, mo ka sopo ake le laa, Ti e leaise aoaoa le lagi i le pogipogi usu ; E fakasosomo ake e lona malama le vao mei le kele, i le oki o le ua.

Esitele 1:12

Kae na leaise fia au le fafine sau ko Vaseti, i lana maua le fakatotonu a le sau i le kau enuke. Koia na itaita lasi ai loa le sau, ti na mea katoa loa a ia i lona ita.

Esitele 7:8

I le toe liliu mai a le sau mei le oloto o le fale sau ki le kogafale o le kai, na tio loa a ia ki le oso a Amane ki le palepale leia na nofo ai Esitele, ti na pati loa a ia : Pe toe loto foki a ia ke fakamakekei e ia le fafine sau i oku mua, i loku fale sau ? I le temi fai leia na ulu mai ai le masau lena mei le gutu o le sau, na puloui loa a mata o Amane.

Pesalemo 133:3

E fai a ia pe le sasau o le Elemoni, Leia e ifo ki mauga o Sione ; Talie ko le ganea lena e kakau mei ai e le Eteleno le tapuakina, Le mauli, ki le lee gato.

Pesalemo 72:6

E fai loa a ia pe se ua leia e ifo ki se kele na faala, Ofaipe ni ua lalasi ala e fakavai ia le ulu fenua.

Taagapati 20:2

Ko le i ki le sau e faipe le gugulu o le laione, Ko leia e fakatupu ia lona ita e agasala kiate ia totonu.

Taagapati 28:15

Ofaipe se laione itaita ti mo se uluso pakupaku, E felaaki le tagata agaveli leia e pule fakamakeke ki se kakai mativa.

Ekelesiasi 8:4

E makeke le masau a le sau, ti ko ai e pati loa kiate ia : Kolea e ke fai ?

Esaia 18:4

Talie na folafola mai le Eteleno kiate au, o pati : E kau tio fakafulufulumalie mei loku nofoaga, I le vevela gigila o le malama, I le aafu o le sasau, i le temi vevela leia e tuuti ai le fulumeto.

Taniela 5:19

O tupu ko le mauiga leia na tuku e le Atua Taualuga kiate ia, na i fuli a kakai, mo puleaga, mo tagata mei faasiga masau kesekese i ona mua. Na fakatotonu e le sau ke tamate latou ala e loto a ia ki ai, ti na tuku e ia le mauli kia latou ala na loto a ia ki ai ; na siki e ia ki aluga latou ala na loto a ia ki ai ; ti na tuku e ia ki lalo latou ala na loto a ia ki ai.

Taniela 6:24

Na fakatotonu loa e le sau ke aumai ki ona mua a tagata ala na fakalakasala ia Taniela, ti ke ti latou ki le popoko o laione, latou mo alatou fanau ti mo alatou avaga ; ti na leikiaise lotou kaku ki le takele o le popoko, kae kua tapo latou e laione, o gugu olatou ivi fuli.

Oseo 14:5

E kau liliu loa ofaipe le sasau ki Iselaele, E se loa a ia ofaipe le lilio, Ti e somo loa ona aka ofaipe le Lipane.

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Tetelonome 33:28

E fimalie Iselaele i lona nofoaga, E tuu kese le matapuna vai o Sakopo I se fenua o le fulumeto mo le vino foou, Ti e tufa e lona lagi le sese.