Taagapati 18:5 - Tosi Tapu

⁵ E leaise malie ke kau mo le tagata agaveli, O fakafiti le faitotonu ki le tagata saosaoa i le fakamaauaga.

Taagapati 18:5 Iomraidhean Croise

Sopo 34:19

Leia e leaise tokaga fua ki le mamalu o le kau lalasi, Ti e leaise fakakesekese ia le tagata mou koloa mo le tagata mativa, Talie ko latou fuli ko gaoiaga o ona lima ?

Pesalemo 82:2

E kaku loa kiafea lakotou fakamaau veli, Ti mo lakotou tokaga ki le tagata agaveli ? - Manava.

Ekesote 23:2

Aua na ke muli loa i le toka api, o fai se nea leia e veli ; ti aua na ke fakamaoki loa i se fakamaauaga kia latou ala e toka api o agatuu ki le maoki.

Ekesote 23:3

Aua na ke fakafetuu tasi loa ki le tagata mativa i lona fakamaau.

Ekesote 23:6

Aua na ke fakalakasala loa le tagata mativa i le fakamaauaga, i se nea leia e tonu ke maua e ia.

Taagapati 17:15

Ko leia e fakamolemole ki le tagata na sala ti mo leia e fakatua ia le tagata na leaise sala E fakalialia toka lua ki mata o le Eteleno.

Taagapati 17:26

E leaise malie ke tautea le tagata agatonu ; Ti ke taai a aliki o tupu ko lola faitotonu.

Taagapati 24:23

Ko leinei foki le tasi a nea e au mei le kau poto : E leaise malie, i fakamaau, ke fakapalatasi ki se tagata.

Taagapati 28:21

E leaise malie le tiotio tagata i le fakamaau, Talie e mafai ke vilo se tagata ki le agasala o tupu ko se ga potu pane.

Taagapati 31:5

Talie na lotou konana, ti lotou galoi loa le lao, Ti leaise lotou tokaga loa ki le kau mativa.

Esaia 5:23

Kia latou ala e fakatonu ia leia e sala ki se nea alofa, Kae e fakalakasala ia latou e saosaoa !

Esaia 59:14

Koia na mavae ai le tokoi, Ti na mamao ai le fakamauli ; Talie e siga le maoki i le malae fakafenua, Ti e leaise mafai ke fakafeofi ki ai le faitotonu.

Levitiko 19:15

Aua na ke fai loa se tonu sala i au fakamaau : aua na ke tio loa ki le mativa o se tagata, ti aua na ke tio loa ki le mauiga o se tagata, kae e ke fakamaaui loa lou oloi o mulimuli ki le lao totonu.

Mikea 3:9

Koia, pule o le fale o Sakopo, mo aliki o le fale o Iselaele, Kotou fakalogo malie mai ki le nea leinei, Koutou ala e vesia ki le faitotonu, Ti e pikopikoi ia le nea leia e totonu,

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.

Mateo 22:16

Na lotou kakau loa kiate ia alatou tisipulo mo le kau Elote, o pati : Pule, e motou iloa e ke maoki, ti e ke ako le ala o le Atua o mulimuli ki le maoki, ti e leaise ke tuatua fua ki se tasi, talie e leaise ke tio ki le nea leia e sa i tafa o tagata.

Tetelonome 16:19

Ke aua na ke fakasala ia loa le fakamaau, ke aua na ke tio loa ki le tagata, ti ke aua na ke tali loa se moliga, talie e fakakivi e moliga a mata o le kau poto ti e lotou fakasalasala ia loa a masau a le kau agatonu.